ជាងជួសជុលទូទឹកកកបានព្រមានថា មានរបស់របរមួយចំនួនដែលមនុស្សទម្លាប់ដាក់ក្នុងទូទឹកកកដែលមានហានិភ័យខ្ពស់អាចបង្កឲ្យខូចខាត ឬផ្ទុះបាន។ យកវាចេញជាបន្ទាន់! នេះបើយោងតាមការផ្សាយរបស់សារព័ត៌មានបរទេស។ ប្រអប់/ដបកញ្ចក់:នៅពេលអង្គធាតុរាវ (ទឹក ស៊ុប ទឹកគុយរី) កកក្នុងធុងកញ្ចក់…
ជាងជួសជុលទូទឹកកកបានព្រមានថា មានរបស់របរមួយចំនួនដែលមនុស្សទម្លាប់ដាក់ក្នុងទូទឹកកកដែលមានហានិភ័យខ្ពស់អាចបង្កឲ្យខូចខាត ឬផ្ទុះបាន។ យកវាចេញជាបន្ទាន់! នេះបើយោងតាមការផ្សាយរបស់សារព័ត៌មានបរទេស។
ប្រអប់/ដបកញ្ចក់:
នៅពេលអង្គធាតុរាវ (ទឹក ស៊ុប ទឹកគុយរី) កកក្នុងធុងកញ្ចក់ វានឹងពង្រីកបរិមាណយ៉ាងខ្លាំង ដែលបណ្តាលឲ្យកញ្ចក់ផ្ទុះ ឬបែកភ្លាមៗ។
គ្រោះថ្នាក់: មិនត្រឹមតែអាចកាត់ដៃទេ ថែមទាំងអាចបំផ្លាញជញ្ជាំងអាលុយមីញ៉ូមទូបង្កកទៀតផង។ (គួរប្រើប្រអប់ប្លាស្ទិកធន់នឹងត្រជាក់ជំនួសវិញ)
ទឹកកកស្ងួត:
ទឹកកកស្ងួតគឺជាកាបូនឌីអុកស៊ីតរឹង (CO₂ solid) ដែលនឹងប្រែជាឧស្ម័នលឿនណាស់នៅសីតុណ្ហភាពទូទឹកកក។
គ្រោះថ្នាក់: នៅពេលទុកក្នុងទូបង្កកដែលបិទជិត ឧស្ម័ន CO₂ នេះនឹងបង្កើតសម្ពាធខ្ពស់យ៉ាងលឿន រហូតអាចធ្វើឲ្យ ទ្វារទូទឹកកកផ្ទុះ ឬខូចប្រព័ន្ធត្រជាក់ធ្ងន់ធ្ងរ។
ភេសជ្ជៈមានជាតិកាបូន (ស្រាបៀរ, កូឡា…):
ភេសជ្ជៈទាំងនេះមានឧស្ម័ន CO₂ រលាយនៅក្នុងទឹក។ នៅពេលកក ទឹកពង្រីកលឿន ហើយសម្ពាធឧស្ម័នខាងក្នុងក៏កើនឡើងខ្លាំង។
គ្រោះថ្នាក់: អាចបណ្តាលឲ្យ ដប ឬកំប៉ុងផ្ទុះ ប៉ះពាល់ដល់អ្នកប្រើប្រាស់ និងធ្វើឲ្យខូចខាតទ្រនាប់ថាស ឬជ័រកៅស៊ូទ្វារទូទឹកកក។
អាហារដែលនៅសើម/មានទឹក៖
ការដាក់បន្លែ សាច់ ឬផ្លែឈើដែលនៅសល់ទឹកទៅបង្កក ធ្វើឲ្យទឹកកកនៅលើផ្ទៃអាហារ និងជញ្ជាំងទូទឹកកក។
គ្រោះថ្នាក់: ការកកទឹកកកក្រាស់ធ្វើឲ្យ ទូទឹកកកដំណើរការធ្ងន់ ប្រើប្រាស់អគ្គិសនីច្រើន អាចបំបែកថាស និងកាត់បន្ថយអាយុកាលទូទឹកកក។ (គួរជូតឬបង្ហូរទឹកចេញឲ្យស្ងួតមុនដាក់បង្កក)៕
ចែករំលែកព័តមាននេះ