ខេត្តព្រះសីហនុ ៖ មន្ត្រីនគរបាលអន្តោប្រវេសន៍ច្រកទ្វារកំពង់ផែស្វយ័ត ក្រុង/ខេត្តព្រះសីហនុបានឲ្យដឹងថា នៅវេលាម៉ោង៨,០០នាទីព្រឹកថ្ងៃទី២៧ ខែវិច្ឆិកា ឆ្នាំ២០២៥ មាននាវាទេសចរណ៍បរទេសខ្នាតយក្សមួយគ្រឿង ឈ្មោះ NORWE…
ខេត្តព្រះសីហនុ ៖ មន្ត្រីនគរបាលអន្តោប្រវេសន៍ច្រកទ្វារកំពង់ផែស្វយ័ត ក្រុង/ខេត្តព្រះសីហនុបានឲ្យដឹងថា នៅវេលាម៉ោង៨,០០នាទីព្រឹកថ្ងៃទី២៧ ខែវិច្ឆិកា ឆ្នាំ២០២៥ មាននាវាទេសចរណ៍បរទេសខ្នាតយក្សមួយគ្រឿង ឈ្មោះ NORWE GIAN សញ្ជាតិ Bahamar បានចូលចតកំពង់ផែស្វយ័តក្រុងព្រះសីហនុ ប្រកបដោយសុវត្ថិភាព ។
ប្រភពខាងលើបានបញ្ជាក់ឲ្យដឹងបន្ថែមទៀតថា នាវាទេសចរណ៍ខ្នាតយក្សខាងលើបាននាំភ្ញៀវទេសចរចម្រុះជាតិសាសន៍សរុបមានចំនួន១៨៧៧នាក់ ក្នុងនោះ មានស្រីចំនួន៩៩២ នាក់ មាន៥២សញ្ជាតិ និងមានក្រុមនាវិកចំនួន៨៦៤នាក់ ក្នុងនោះ មាននាវឹកស្រីចំនួន១៩១នាក់ មាន៤៨សញ្ជាតិ ។
ចំនួនសញ្ជាតិដែលមានភ្ញៀវទេសចរច្រើនជាងគេ គឺសញ្ជាតិ Chinaមានចំនួន៨២៩នាក់, Canadaមានចំនួន២៦១នាក់,BRitibh ១៥៩នាក់ ។ លក្ខណ:បច្ចេកទេសនាវាមានបណ្តោយប្រវែង២៦៨,២៩ម៉ែត្រ និងទទឹងមានប្រវែង៣២,៨០ម៉ែត្រមានជំរៅទឹក៨,៤ម៉ែត្រ។
នាវាដឹកភ្ញៀវទេសចរខាងលើ ចូលចតក្នុងគោលបំណងទស្សនាតំបន់កំសាន្តបែបវប្បធម៌,សាសនាប្រពៃណីនៃព្រះរាជាណាចក្រកម្ពុជា និងបានឈ្វេងយល់ពីការអភិវឌ្ឍន៍លើហេដ្ឋារចនាសម្ពន្ធ័នានានៅក្នុងខេត្តព្រះសីហនុ ក៏ដូចជាការអភិវឌ្ឍន៍លើគ្រប់វិសយ័នៅក្នុងព្រះរាជាណាចក្រកម្ពុជាក្រោមកិច្ចដឹកនាំរបស់សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ។ នាវាខាងលើនេះ ដឹកភ្ញៀវទេសចរធ្វើដំណើរមកពីប្រទេសCHINA ហើយចាកចេញពីកំពង់ផែស្វយ័តក្រុងព្រះសីហនុវិញ នៅវេលាម៉ោង១៦,២៧នាទីថ្ងៃទី២៧ ខែវិឆ្ឆិកា ឆ្នាំ២០២៥ ធ្វើដំណើរទៅប្រទេសថៃ ។
នៅក្នុងឱកាសនៃការចូលចតនាវាទេសចរណ៍ខាងលើនេះ មន្ត្រីនគរបាលអន្តោប្រវេសន៍ច្រកទ្វារកំពង់ផែស្វយត័ក្រុង/ខេត្តព្រះសីហនុ ក៏បានសម្របសម្រួលជូនដល់ភ្ញៀវទេសចរលើឯកសារ (ប៉ាស្ពរ័) ដើម្បីបង្កលក្ខណ:ងាយស្រួលដល់ការធ្វើដំណើរបន្តរបស់ភ្ញៀវទេសចរណ៍ផងដែរ ។
ចែករំលែកព័តមាននេះ