ឧត្ដរមានជ័យ ៖ នគរបាលខេត្ដឧត្ដរមានជ័យ ចេញល្បាតចល័ត ដើម្បីការពារសន្តិសុខ សុវត្ថិភាព និងរក្សាសណ្តាប់ធ្នាប់ ជូនប្រជាពលរដ្ឋរស់នៅក្នុងភូមិសាស្ត្រខេត្ដឧត្ដរមានជ័យ ជាពិសេស ដើម្បីទប់ស្កាត់សកម្មភាពក្មេងទំនើង…
ឧត្ដរមានជ័យ ៖ នគរបាលខេត្ដឧត្ដរមានជ័យ ចេញល្បាតចល័ត ដើម្បីការពារសន្តិសុខ សុវត្ថិភាព និងរក្សាសណ្តាប់ធ្នាប់ ជូនប្រជាពលរដ្ឋរស់នៅក្នុងភូមិសាស្ត្រខេត្ដឧត្ដរមានជ័យ ជាពិសេស ដើម្បីទប់ស្កាត់សកម្មភាពក្មេងទំនើង ។ នេះបើយោងតាមផេកស្នងការដ្ឋាននគរបាលខេត្តឧត្តរមានជ័យ បានប្រកាស នាថ្ងៃទី២៧ ខែវិច្ឆិកា ឆ្នាំ២០២៥ ។
ស្នងការដ្ឋាននគរបាលខេត្តឧត្តរមានជ័យ បានបញ្ជាក់ថា ៖ នៅថ្ងៃទី២៦ ខែវិច្ឆិកា ឆ្នាំ២០២៥ អនុវត្ដន៍តាមបទបញ្ជាលោកឧត្ដមសេនីយ៍ទោ ខូវ លី ស្នងការ នៃស្នងការដ្ឋានខេត្ដឧត្ដរមានជ័យ កម្លាំងអធិការដ្ឋាននគរបាលក្រុង/ស្រុក សហការជាមួយកម្លាំងប៉ុស្ដិ៍នគរបាលរដ្ឋបាល និងប្រជាការពារ បានចេញល្បាតចល័ត ការពារសន្តិសុខ សុវត្ថិភាព និងរក្សាសណ្តាប់ធ្នាប់ ដោយយកចិត្ដទុកដាក់បំផុត ជូនប្រជាពលរដ្ឋរស់នៅក្នុងភូមិសាស្ត្រខេត្ដឧត្ដរមានជ័យ ដើម្បីបង្កាទប់ស្កាត់ និងបង្ក្រាបឱ្យទាន់ពេលវេលា នូវសកម្មភាពល្មើសច្បាប់ទាំងឡាយឱ្យខាងតែបាន ដែលបម្រុងនឹងកើតមានឡើងជាយថាហេតុ នៅតាមតំបន់សំខាន់ៗ ក្នុងភូមិសាស្ដ្រខេត្ដឧត្ដរមានជ័យ ជាពិសេសករណីក្មេងទំនើ.ង ។
តាមរយៈសកម្មភាពល្បាតដូចភ្លៀងរលឹមនេះ ស្នងការដ្ឋាននគរបាលខេត្តឧត្តរមានជ័យ សង្ឃឹមយ៉ាងមុតមាំថា នឹងអាចកាត់បន្ថយបទល្មើសព្រហ្មទណ្ឌ និងធ្វើឱ្យភូមិឃុំមានសុវត្ថិភាព ស្របតាមគោលនយោបាយរបស់រាជរដ្ឋាភិបាល ៕
ចែករំលែកព័តមាននេះ