បន្ទាយមានជ័យ ៖ លោក ឃ្លោក នួយ អភិបាលរងខេត្ត បានដឹកនាំក្រុមការងារចម្រុះ និងអាជ្ញាធរមូលដ្ឋាន ចុះត្រួតពិនិត្យឃ្លាំងស្តុកសាច់បង្កកចំនួន ២កន្លែង…
បន្ទាយមានជ័យ ៖ លោក ឃ្លោក នួយ អភិបាលរងខេត្ត បានដឹកនាំក្រុមការងារចម្រុះ និងអាជ្ញាធរមូលដ្ឋាន ចុះត្រួតពិនិត្យឃ្លាំងស្តុកសាច់បង្កកចំនួន ២កន្លែង ស្ថិតក្នុងភូមិសាស្ត្រក្រុងប៉ោយប៉ែត ។
ជាក់ស្តែង ទូរទស្សន៍ជាតិ ខេត្តបន្ទាយមានជ័យ បានប្រកាសនាថ្ងៃទី២៦ ខែវិច្ឆិកា ឆ្នាំ២០២៥នេះថា ៖ លោក ឃ្លោក នួយ អភិបាលរងខេត្តតំណាងឲ្យឯកឧត្តម អ៊ុំ រាត្រី អភិបាល នៃគណៈអភិបាលខេត្ត បានដឹកនាំក្រុមការងារចម្រុះ និងអាជ្ញាធរមូលដ្ឋាន ចុះពិនិត្យមើលឃ្លាំង ២កន្លែង ដែលបានស្តុបទុកសាច់បង្កក ស្ថិតនៅភូមិបាលិលេយ្យ២ និងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ នាថ្ងៃទី២៦ ខែវិច្ឆិកា ឆ្នាំ២០២៥ ។
ជាពិសេស មន្ត្រីជំនាញបានដកហូត យកសាច់បង្កកចំនួន ៦ប្រភេទ ដូចជា ទាមូល ចុងស្លាបមាន់ គល់ស្លាបមាន់ (ទាំងមូល) ស្លាបកណ្ដាល ភ្លៅមាន់ និងប្រហិតសាច់ជ្រូក យកទៅពិសោធន៍សំណាក់រកសារធាតុគីមី ដើម្បីឲ្យដឹងថា សាច់នោះមានគុណភាពល្អទៅតាមស្តង់ដាបច្ចេកទេស ឬមិនមានគុណភាពផងដែរ ៕
ចែករំលែកព័តមាននេះ