សហរដ្ឋអាមេរិក ៖ រដ្ឋមន្ត្រីសន្តិសុខផ្ទៃក្នុងអាមេរិក លោកស្រីKRISTI NOEM ប្រកាសនាថ្ងៃទី២៦វិច្ឆិកា ថា ទាហាន២នាក់នៃកងឆ្មាំជាតិរងរបួសធ្ងន់ធ្ងរបំផុត ដោយសារការបាញ់ប្រហារមួយនៅក្រុងវ៉ាស៊ីនតោន ដែលសេតវិមានចាត់ទុកថា…
សហរដ្ឋអាមេរិក ៖ រដ្ឋមន្ត្រីសន្តិសុខផ្ទៃក្នុងអាមេរិក លោកស្រីKRISTI NOEM ប្រកាសនាថ្ងៃទី២៦វិច្ឆិកា ថា ទាហាន២នាក់នៃកងឆ្មាំជាតិរងរបួសធ្ងន់ធ្ងរបំផុត ដោយសារការបាញ់ប្រហារមួយនៅក្រុងវ៉ាស៊ីនតោន ដែលសេតវិមានចាត់ទុកថា នោះជាសភាពការណ៍សោកនាដកម្មមួយ។
លោកKASH PATELនាយកប៉ូលិសសហព័ន្ធអាមរិកFBI ថ្លែងនៅមុខសារព័ត៌មានថា ទាហាន២នាក់ដែលរងរបួសស្ថិតក្នុងស្ថានភាពធ្ងន់ធ្ងរបំផុត ។ មុននេះ នាថ្ងៃទី២៦ វិច្ឆិកា លោកPATRICK MORRISEY អភិបាលរដ្ឋវៀជីនៀខាងលិច ដែលទាហានរងគ្រោះទាំង២ មានដើមកំណើតនៅទីនោះ ប្រកាសពីការស្លាប់ទាហានទាំង២នាក់ តែក្រោយមកបានដូរពាក្យវិញដោយថា លោកទទួលព័ត៌មានផ្ទុយគ្នាលើស្ថានភាពសុខភាពពួកគេ ហើយយើងនឹងផ្ដល់ព័ត៌មានច្បាស់ពីសភាពការណ៍ ពេលយើងទទួលបានព័ត៌មានពេញលេញ។
ប៉ូលិសក្រុងវ៉ាស៊ីនតោនគូសបញ្ជាក់ថា ជនសង្ស័យម្នាក់ត្រូវបានចាប់ខ្លួន ។ ប្រធានាធិបតីអាមេរិកលោកដូណាល់ត្រាំ ក៏ថ្លែងតាមបណ្ដាញសង្គម TRUHT SOCUAL ថា ទាហានទាំង២នោះ រងរបួសធ្ងន់ធ្ងរ ។ តំបន់មានការបាញ់ប្រហារជិតសេតវិមានត្រូវឡោមព័ទ្ធ ដោយរថយន្តប៉ូលិសច្រើនគ្រឿងនិងកងកម្លាំងសន្តិសុខមូលដ្ឋាននិងជាតិដែលបញ្ជូនមកភ្លាមៗ ។
កងទាហានឆ្មាជាំតិត្រូវបានដាក់ពង្រាយនៅក្រុងវ៉ាស៊ីនតោន តាមបទបញ្ជារបស់លោកត្រាំចាប់តាំងពីខែសីហាមក ។ រួចតាមស្ថិតិយោធានាពេលថ្មីៗនេះ ថា ចាប់ពីពាក់កណ្ដាលខែវិច្ឆិកាមកទាហានកងឆ្មាំជាតិដាក់ពង្រាយនៅរដ្ឋធានីអាមេរិកកើនដល់២១៧៥នាក់ ៕
ចែករំលែកព័តមាននេះ