ប្រទេសប្រេស៊ីល ៖ ពិតជាដំណឹងល្អណាស់ ដែលវ៉ាក់់សាំងប្រឆាំងជំងឺគ្រុនឈាមចាក់តែមួយដូស ត្រូវបានប្រេស៊ីលអនុម័តដាក់ឲ្យប្រើប្រាស់ កាលពីថ្ងៃទី២៦ វិចិ្ឆកា ។ នេះចាត់ទុកជាការរកឃើញជាប្រវត្តិសាស្ត្រ ដោយអាជ្ញាធរប្រទេសនៅអាមេរិកខាងត្បូងនោះ…
ប្រទេសប្រេស៊ីល ៖ ពិតជាដំណឹងល្អណាស់ ដែលវ៉ាក់់សាំងប្រឆាំងជំងឺគ្រុនឈាមចាក់តែមួយដូស ត្រូវបានប្រេស៊ីលអនុម័តដាក់ឲ្យប្រើប្រាស់ កាលពីថ្ងៃទី២៦ វិចិ្ឆកា ។ នេះចាត់ទុកជាការរកឃើញជាប្រវត្តិសាស្ត្រ ដោយអាជ្ញាធរប្រទេសនៅអាមេរិកខាងត្បូងនោះ ដែលរងការប៉ះពាល់ខ្លាំងបំផុតដោយសារជំងឺនេះកាលពីឆ្នាំទៅមិញ។
ទីភ្នាក់ងារប្រុងប្រយ័ត្នសុខាភិបាលជាតិប្រេស៊ីល បានអនុញ្ញាតឲ្យប្រើវ៉ាក់សាំងឈ្មោះBUTANTAN -DVផលិតដោយវិទ្យាស្ថានBUTANTAN ក្រុងសាវប៉ូឡូ ដែលចាក់សម្រាប់មនុស្សមានអាយុពី១២ទៅ៥៩ឆ្នាំ។ រហូតមកទល់ពេលនេះវ៉ាក់សាំងតែមួយគត់ដែលមានប្រឆាំងជំងឺគ្រុនឈាមក្នុងកម្រិតពិភពលោកគឹវ៉ាក់សាំងTAKA-003ដែលត្រូវចាក់ចាំបាច់ដល់២ដូសចន្លោះពេល៣ខែ។ នេះបើតាមអង្គការសុខភាពពិភពលោកWHO។ វ៉ាក់សាំងដែលចាក់តែ១ដូស អាចជម្រុញនិងផ្ដល់ភាពងាយស្រួលដល់យុទាការចាក់វ៉ាក់សាំងទ្រង់ទ្រាយធំ ។
លោកESPER KALLAS នាយកវិទ្យាស្ថានBUTANTAN ជាស្ថាប័នរដ្ឋ ក្នុងសន្និសីទសារព័ត៌មានមួយនៅក្រុងសាវប៉ូឡូថ្លែងថា នេះជាជ័យជម្នះប្រវត្តិសាស្ត្រមួយសម្រាប់វិទ្យាសាស្ត្រនិងសុខាភិបាលនៅប្រេស៊ីល ។ ជំងឺគ្រុនឈាមជាជំងឺមួយដែលចាប់តាំងពីច្រើនទសវត្សមកហើយ រាតត្បាតខ្លាំងបំផុតក្នុងប្រទេសយើង តែពេលនេះយើងអាចប្រយុទ្ធតតាំងបានហើយជាមួយអាវុធដ៏ខ្លាំងបំផុតមួយ។
ប្រេស៊ីលបានចុះហត្ថលេខាលើកិច្ចព្រមព្រៀងមួយជាមួយសហគ្រាសចិន WUXI ដើម្បីផ្ដល់វ៉ាក់សាំងនោះប្រមាណជា៣០លានដូសក្នុងឆមាសទី២នៃឆ្នាំ២០២៦នេះ។ អឺរ៉ុបក៏ចាប់ប្រើវ៉ាក់សាំងនេះដែរ។
វ៉ាក់សាំងថ្មីនេះត្រូវបានចាក់សាកល្បងលើអ្នកស្ម័គ្រចិត្តជាង១៦.០០០នាក់គ្នុងរដ្ឋ១៤របស់ប្រេស៊ីល ក្នុងអំឡុងពេល៨ឆ្នាំ ជាមួយប្រសិទ្ធភាព៩១,៦% ប្រឆាំងជំងឺគ្រុនឈាមប្រភេទធ្ងន់បំផុត។ ជំងឺគ្រុនឈាមជាជំងឺឆ្លងពីមនុស្សម្នាក់ទៅមនុស្សម្នាក់ទៀត តាមរយៈមូសខ្លាខាំ។ ជំងឺនោះបង្កឲ្យមានគ្រុនក្ដៅខ្លាំង ឈឺក្បាលនិងឈឺសាច់ដុំឈឺច្រមុះនិងអាចឲ្យមានការហូរឈាម ។ ក្នុងករណីខ្លះវាបណ្ដាលឲ្យមនុស្សស្លាប់ ។ កាលពីឆ្នាំទៅមិញនៅប្រេសីុលមានអ្នកស្លាប់ដល់ជាង៦០០០នាក់ដោយសារជំងឺគ្រុនឈាម៕
ចែករំលែកព័តមាននេះ