រាជធានីភ្នំពេញ ៖ យោងតាមស្ថិតិ នៃមន្ទីរទេសចរណ៍រាជធានីភ្នំពេញ បានបង្ហាញថា ភ្ញៀវទេសចរណ៍ដើរកម្សាន្តនៅផ្លូវថ្មើរជើងចតុមុខ (Chaktomuk Walk Street) ដែលបើកដំណើរកាលពីថ្ងៃសៅរ៍…
រាជធានីភ្នំពេញ ៖ យោងតាមស្ថិតិ នៃមន្ទីរទេសចរណ៍រាជធានីភ្នំពេញ បានបង្ហាញថា ភ្ញៀវទេសចរណ៍ដើរកម្សាន្តនៅផ្លូវថ្មើរជើងចតុមុខ (Chaktomuk Walk Street) ដែលបើកដំណើរកាលពីថ្ងៃសៅរ៍ ទី០១ ខែកុម្ភៈ ឆ្នាំ២០២៥ កន្លងទៅ ហើយបើគិតមកត្រឹមថ្ងៃទី២៣ ខែវិច្ឆិកា ឆ្នាំ២០២៥នេះ មានរយៈពេល៤៣សប្តាហ៍ហើយ ដែលស្មើរនឹង៨៦ថ្ងៃប៉ុណ្ណោះ គឺទទួលបានភ្ញៀវទេសចរណ៍សរុបប្រមាណ ៥,៧១៦,០០០នាក់ ក្នុងនោះ ភ្ញៀវទេសចរណ៍ជាតិ ចំនួន ៥,៥៨៥,៣០០នាក់ និងភ្ញៀវទេសចរណ៍អន្តរជាតិ ចំនួន១៣០,៧០០នាក់ ។
ក្នុងចំនួនខាងលើនេះ បើគិតក្នុងមួយថ្ងៃ ផ្លូវថ្មើរជើងចតុមុខ ទទួលបានភ្ញៀវទេសចរណ៍ ប្រមាណជា ៥០,០០០នាក់ ឯណោះ ។ យោងតាមស្ថិតិនេះ បង្ហាញថា ថ្មើរជើងទទួលបានការពេញនិយមយ៉ាងខ្លាំងទាំងភ្ញៀវជាតិ និងអន្តរជាតិ ។
ផ្លូវថ្មើរជើងចតុមុខ ត្រូវបានគាំទ្រពីសំណាក់ភ្ញៀវទេសចរណ៍ជាតិ និងអន្តរជាតិ យ៉ាងច្រើនពីមួយសប្ដាហ៍ទៅមួយសប្ដាហ៍ ដែលធ្វើឱ្យរាជធានីភ្នំពេញជាប់លេខ១០ ក្នុងចំណោមទីក្រុងដ៏ធំល្អបំផុតលើពិភពលោក ប្រចាំឆ្នាំ២០២៥(ប្រភពពីទស្សនាវដ្តីទេសចរណ៍ Condé Nast Traveler) ៕
ចែករំលែកព័តមាននេះ