ខេត្តកំពង់ស្ពឺ៖ បុរសចំណាស់ម្នាក់បានបោកក្បាលស្លាប់ភ្លាមៗនៅកន្លែងកើតហេតុ ខណៈដែលជិះម៉ូតូម្នាក់ឯងលឿន ហើយបានជ្រុលធ្លាក់ពីលើផ្លូវជាតិលេខ៤ដោយខ្លួនឯង បង្កឱ្យមានការភ្ញាក់ផ្អើលដល់អ្នកធ្វើដំណើរ និងសមត្ថកិច្ច។ ហេតុការណ៍បុរសម្នាក់ជិះម៉ូតូធ្លាក់ផ្លូវស្លាប់ដោយខ្លួនឯងនេះបានកើតឡើងកាលពីវេលាម៉ោង០៥និង៣០នាទីល្ងាចថ្ងៃទី២៥ ខែធ្នូ ឆ្នាំ២០២៥ នៅតាមបណ្តោយផ្លូវជាតិលេខ៤ …
ខេត្តកំពង់ស្ពឺ៖ បុរសចំណាស់ម្នាក់បានបោកក្បាលស្លាប់ភ្លាមៗនៅកន្លែងកើតហេតុ ខណៈដែលជិះម៉ូតូម្នាក់ឯងលឿន ហើយបានជ្រុលធ្លាក់ពីលើផ្លូវជាតិលេខ៤ដោយខ្លួនឯង បង្កឱ្យមានការភ្ញាក់ផ្អើលដល់អ្នកធ្វើដំណើរ និងសមត្ថកិច្ច។
ហេតុការណ៍បុរសម្នាក់ជិះម៉ូតូធ្លាក់ផ្លូវស្លាប់ដោយខ្លួនឯងនេះបានកើតឡើងកាលពីវេលាម៉ោង០៥និង៣០នាទីល្ងាចថ្ងៃទី២៥ ខែធ្នូ ឆ្នាំ២០២៥ នៅតាមបណ្តោយផ្លូវជាតិលេខ៤ ចន្លោះបង្គោលគីឡូម៉ែត្រលេខ៧២ទៅលេខ៧៣ ស្ថិតនៅក្នុងភូមិតាឡាត់ចាស់ ឃុំអូរ ស្រុកភ្នំស្រួច ខេត្តកំពង់ស្ពឺ។
នគរបាលស្រុកភ្នំស្រួចបាននិយាយឱ្យដឹងថា នៅមុនពេលកើតហេតុមានម៉ូតូ០១គ្រឿង ម៉ាកស្មាស់ រីវ៉ូ ( Smash Revo) ពណ៌ខ្មៅ គ្មានស្លាកលេខ បើកបរដោយឈ្មោះ ហ៊ុម ឆែម ភេទប្រុស អាយុ៥៦ឆ្នាំ រស់នៅក្នុងភូមិត្នោតព្រែក ឃុំតាំងស្យា ស្រុកភ្នំស្រួច។ បុរសរងគ្រោះខាងលើបានបើកបរម៉ូតូម្នាក់ឯងតាមបណ្តោយផ្លូវជាតិលេខ៤ ពីទិសខាងកើតទៅទិសខាងលិច លុះពេលធ្វើដំណើរមកដល់ចំណុចកើតហេតុខាងលើ បានរេចង្កូតធ្លាក់ផ្លូវបណ្តាលឱ្យដួលម៉ូតូដោយខ្លួនឯង បោកក្បាលទៅនឹងថ្នល់ស្លាប់ភ្លាមៗនៅកន្លែងកើតហេតុតែម្តង។
នគរបាលស្រុកភ្នំស្រួចបានបន្តឱ្យដឹងថា ក្រោយកើតហេតុនគរបាលជំនាញបានចុះធ្វើការវាស់វែងនៅកន្លែងកើតហេតុ រងការខូចខាតម៉ូតូ០១គ្រឿងតិចតួច។
ចំពោះសពបុរសខាងលើនគរបាលបានប្រគល់ជូនសាច់ញាតិក្រុមគ្រួសារយកទៅធ្វើបុណ្យតាមប្រពៃណី។
ដោយឡែកម៉ូតូនគរបាលបានប្រគល់ជូនក្រុមគ្រួសារដើម្បីយកទៅប្រើប្រាស់វិញ ៕
ចែករំលែកព័តមាននេះ