ខេត្តកំពង់ចាម ៖ ក្រោយពីមានករណីឃាតកម្មដែលបង្កឡើងដោយបុរសជាប្តីសម្លាប់ប្រពន្ធមានផ្ទៃពោះ រួមទាំងម្តាយក្មេក និងក្មួយៗសរុបចំនួន១០នាក់ រួចចាក់សាំងដុតនៅក្នុងផ្ទះខ្ទមចាំចម្ការស្វាយចន្ទី ក្នុងភូមិពោន ឃុំទួលសំបួរ ស្រុកស្ទឹងត្រង់ កាលពីម្សិលមិញ…
ខេត្តកំពង់ចាម ៖ ក្រោយពីមានករណីឃាតកម្មដែលបង្កឡើងដោយបុរសជាប្តីសម្លាប់ប្រពន្ធមានផ្ទៃពោះ រួមទាំងម្តាយក្មេក និងក្មួយៗសរុបចំនួន១០នាក់ រួចចាក់សាំងដុតនៅក្នុងផ្ទះខ្ទមចាំចម្ការស្វាយចន្ទី ក្នុងភូមិពោន ឃុំទួលសំបួរ ស្រុកស្ទឹងត្រង់ កាលពីម្សិលមិញ ដោយឡែកនៅព្រឹកថ្ងៃទី២៤វិច្ឆិកា ឆ្នាំ២០២៥ ឯកឧត្តមអ៊ុន ចាន់ដា អភិបាលខេត្តរួមទាំងសហការីបានអញ្ជើញចុះសួរសុខទុក្ខ និងនាំយកបច្ច័យចូលបុណ្យសពសរុបជិត១០លានរៀល ជាមួយនោះឯកឧត្តមស្ទើរតែស្រក់ទឹកភ្នែក និងសម្តែងក្តីសោកស្ដាយចំពោះហេតុការណ៍ដ៏រន្ធត់ដែលបានកើតឡើងទៅលើគ្រួសារមួយនេះ។ គួររំលឹកថា ឃា.តកម្មសាហា.វមិនធ្លាប់មាន ប្ដីសម្លា.ប់ប្រពន្ធមានផ្ទៃពោះ ម្ដាយក្មេក និងក្មួយៗសរុប១០នាក់ រួចប្រមូលគលើគ្នា ចា.ក់សាំងដុ.ត ដើម្បីបំបាត់ភស្តុតាង
អ្នកស្រីវេង ញាញ់ អាយុជាង៤០ឆ្នាំបានរៀបរាប់ប្រាប់ថា គាត់កំពុងតែធ្វើការរោងចក្រកាត់ដេរមួយកន្លែងក្នុងរាជធានីភ្នំពេញ ត្រូវបានប្អូនទូរសព្ទប្រាប់ថាកូនប្រុសស្រីរបស់គាត់ចំនួន៤នាក់ត្រូវបានក្មួយប្រសារប្រុសឈ្មោះសុបិនមិនា អាយុ២១ឆ្នាំ បានចាក់សាំងដុតសម្លាប់នៅក្នុងផ្ទះចាំចម្ការ ។គ្រាន់តែលឺបែបនេះគាត់បានយំ ព្រមទាំងបានប្រញាប់សុំច្បាប់ថៅកែចេញដំណើរមកស្រុកកំណើតដល់អ្នកល្ងាច ថ្ងៃទី២៣ វិច្ឆិកាឆ្នាំ២០២៥។
អ្នកស្រីវេង ញាញ់ បានបន្តឲ្យដឹងទៀតថា គាត់ពិតជាខ្លោចចិត្តអាណិតដល់កូនៗដែលនៅជាមួយជីដូនចាស់ចំនួន៤ នាក់មានប្រុសមានស្រីត្រូវបានស្លាប់ក្នុងអណ្ដាតភ្លើងទាំងអស់គ្មានអ្នកណាម្នាក់រត់រួចនោះទេ។ ស្របពេលមកដល់ផ្ទះត្រូវបានប្អូនៗរៀបរាប់ប្រាប់ពីដំណើររឿងដោយនៅល្ងាចថ្ងៃទី២២វិច្ឆិកា ដោយដឹងថាក្មួយស្រីរបស់គាត់មានទំនាស់ជាមួយនឹងប្ដីឈ្មោះមិនា គ្រានោះម្ដាយបានឮយ៉ាងដូច្នេះក៏ជិះម៉ូតូទៅផ្ទះរបស់កូនស្រីកន្លែងចាំចម្ការកៅស៊ូរបស់ជីដូនខាងក្មួយប្រសារយកមកផ្ទះនៅភូមិពោន ។
លុះមកដល់ព្រឹកព្រលឹមថ្ងៃទី២៣វិច្ឆិកាក៏ស្រាប់តែមានហេតុការណ៍កើតឡើងដោយក្មួយប្រសារប្រុស បានប្រព្រឹត្តនៅទង្វើព្រៃផ្សៃបានសម្លាប់ក្មួយៗប្រពន្ធព្រមទាំងកូនក្នុងផ្ទៃនិងម្ដាយក្មេករហូតដល់១០នាក់ បង្កឲ្យមានការភ្ញាក់ផ្អើលពេញភូមិ។អ្នកស្រីលើកឡើងថាគាត់ទៅធ្វើការនៅរោងចក្រជាមួយនឹងប្ដីស៊ីឈ្នួលគេកន្លែងខុសគ្នា ដើម្បីយកប្រាក់មកបង់ឲ្យធនាគារឯកជននិងលុយនៅសល់សម្រាប់ចិញ្ចឹមកូនៗ។ចំពោះសាកសពត្រូវបានដង្ហែរយកមកបញ្ចុះនៅដីប្អូនឈ្មោះលីវ ចម្ងាយប្រមាណពីផ្ទះកើតហេតុ៥០ម៉ែត្រ ធ្វើឡើងនាព្រឹកថ្ងៃទី២៤វិច្ឆិកា។
ឯកឧត្តមអ៊ុន ចាន់ដា អភិបាលខេត្តមានប្រសាសន៍ដោយលើកឡើងថា ក្នុងនាមរដ្ឋបាលខេត្តពិតជាមានការសោកស្ដាយនិងសូមចូលរួមរំលែកនូវមរណៈទុក្ខដ៏ក្រៀមក្រំនេះ ។ ព្រោះថាហេតុការណ៍បានកើតឡើងដោយភ្លាមៗនឹកស្មានមិនដល់ដែលបង្កឡើងដោយពីសំណាក់កូនប្រសារប្រុស លើម្ដាយក្មេកព្រមទាំងក្មួយៗបណ្ដាលឱ្យបាត់បង់មនុស្សដែលគួរឱ្យជាទីស្រឡាញ់រហូតទៅដល់១០ នាក់។
ឃាតករដែលត្រូវបានសមត្ថកិច្ចចាប់បានកំពុងតែសួរនាំនៅស្នងការដ្ឋាននគរបាលខេត្តកំពង់ចាម ហើយករណីនេះត្រូវតែផ្ដល់ភាពយុត្តិធម៌ជូនដល់អ្នកស្លាប់ធ្វើយ៉ាងណាដាក់ទោសទ័ណ្ឌឲ្យបានធ្ងន់ធ្ងរដោយមិនអាចលើកលែងបាននោះទេ។
ជាមួយនោះរដ្ឋបាលខេត្តសូមចូលបុណ្យសពចំនួន៥លានរៀល ឧកញ៉ាហេងឡុង៤លានរៀល លោកអភិបាលស្រុកស្ទឹងត្រង់៥០ម៉ឺនរៀល ឯកឧត្តម នេតសាវឿន ប្រធានក្រុមការងារចុះជួយខេត្តកំពង់ចាមចំនួន១០០០ដុល្លារ ហើយរាល់ការចំណាយបុណ្យសពគឺរដ្ឋបាលខេត្តទទួលរាប់រងចេញទាំងស្រុង ៕
ចែករំលែកព័តមាននេះ