រាជធានីភ្នំពេញ ៖ ពស់ថ្លាន់ចំនួន៤ក្បាលត្រូវបានប្រជាពលរដ្ឋនាំគ្នាចាប់បានជាបន្តបន្ទាប់នៅក្នុងភូមិកាកាប សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ បន្ទាប់ពីវារចេញពីព្រៃលួចស៊ីកូនទានៅពេលយប់ ។ តាមប្រជាពលរដ្ឋដែលជាអ្នកចិញ្ចឹមទាបានអោយដឹងថា នៅយប់ថ្ងៃទី២៣…
រាជធានីភ្នំពេញ ៖ ពស់ថ្លាន់ចំនួន៤ក្បាលត្រូវបានប្រជាពលរដ្ឋនាំគ្នាចាប់បានជាបន្តបន្ទាប់នៅក្នុងភូមិកាកាប សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ បន្ទាប់ពីវារចេញពីព្រៃលួចស៊ីកូនទានៅពេលយប់ ។
តាមប្រជាពលរដ្ឋដែលជាអ្នកចិញ្ចឹមទាបានអោយដឹងថា នៅយប់ថ្ងៃទី២៣ ខែវិច្ឆិកា ឆ្នាំ២០២៥ ពស់ថ្លាន់បានវារមកស៊ីទា ហើយត្រូវបានគាត់នាំគ្នាចាប់បានជាបន្តបន្ទប់ចំនួន៤ក្បាល ។ ពស់ថ្លាន់នីមួយៗមានប្រវែងជាង២ម៉ែត្រ និងមានទម្ងន់ជាង៧គីឡូក្រាម និងខ្លះជាង៨គីឡូក្រាម ។
តាមអ្នកចិញ្ចឹមទាបានអោយដឹងទៀតថា ពស់ថ្លាន់សំបូរណាស់ នៅក្នុងស្រះទឹកឈូកនិងក្នុងព្រៃដីឡូត៍មួយកន្លែងក្បែរកន្លែងចិញ្ចឹមទា ក្នុងភូមិកាកាប សង្កាត់កាកាបទី២ ខណ្ឌពោធិ៍សែនជ័យ ហើយបានលូនមកស៊ីទាជាបន្តបន្ទាប់អស់ចំនួន១៧ក្បាល ។
ក្នុងនោះទាធំស៊ីចំនួន៦ក្បាល និងកូនទាចំនួន៨ក្បាល និងរឹតងាប់ទាអស់៣ក្បាល ។ បន្ទាប់ពីចាប់បានចោរលួចស៊ីទា ក៏បានយកទៅលែងវិញនៅដីវាលនៅក្បែរអតីតរ៉ាសំរោងក្នុងសង្កាត់សំរោងក្រោម ៕
ចែករំលែកព័តមាននេះ