ខេត្តស្វាយរៀង ៖ ព័ត៌មានបឋមបានឲ្យដឹងថា ករណីឧក្រិដ្ឋជន ជនជាតិចិន បានចាប់ក្មេងស្រីម្នាក់ពីក្រុងបាវិត ដាក់តាមរថយន្ត យកទៅលក់ឲ្យជនជាតិចិន នៅក្រុងប៉ោយប៉ែត ត្រូវសមត្ថកិច្ចនគរបាល…
ខេត្តស្វាយរៀង ៖ ព័ត៌មានបឋមបានឲ្យដឹងថា ករណីឧក្រិដ្ឋជន ជនជាតិចិន បានចាប់ក្មេងស្រីម្នាក់ពីក្រុងបាវិត ដាក់តាមរថយន្ត យកទៅលក់ឲ្យជនជាតិចិន នៅក្រុងប៉ោយប៉ែត ត្រូវសមត្ថកិច្ចនគរបាល នៃអធិការដ្ឋាននគបាលក្រុងបាវិត ចាប់ខ្លួនបានហើយ ក្រោយមានប្រជាពលរដ្ឋថតបានរូបភាព ឧក្រិដ្ឋជនជនជាតិចិនម្នាក់ កំពុងធ្វើសកម្មភាពយកឧបករណ៍ឆក់លើរាង្គកាយក្មេងស្រីនៅក្នុងបន្ទប់១កន្លែង នៅប៉ោយប៉ែតខេត្តបន្ទាយមានជ័យ ហើយបង្ហោះរូបភាពតាមបណ្តាញសង្គម ០៣ថ្ងៃកន្លងមក និងបានបង្ហោះរថយន្តមួយគ្រឿងរបស់ក្រុមហ៊ុនចិន ម៉ាកអាល់ហ្វាត (ARLARD) ពណ៌ស ពាក់ស្លាកលេខភ្នំពេញ 2CD-7875 បើកបរដោយជនជាតិចិន ដែលចាប់ក្មេងស្រីម្នាក់ នៅក្រុងបាវិត សង្ស័យមានក្រុមហ៊ុននៅទីតាំងក្នុងក្រុងបាវិត ។
ក្រោយមក នៅព្រឹកថ្ងៃទី២១ វិច្ឆិកា ២០២៥នេះ លោកអធិការនគបាលក្រុងបាវិត បានដឹកនាំកម្លាំងចុះស្រាវជ្រាវរហូតចាប់ខ្លួនជនសង្ស័យជាជនល្មើសជនជាតិចិនម្នាក់ និងរឹបអូសរថយន្ត ១គ្រឿង ម៉ាកអាល់ហ្វាត នាំទៅអធិការដ្ឋាននគបាលក្រុងបាវិត ដើម្បីសាកសួរ ឈានទៅរំដោះក្មេងស្រីរងគ្រោះនៅក្រុងប៉ោយប៉ែត នៃខេត្តបន្ទាយមានជ័យ ។ លទ្ធផលយ៉ាងណា រង់ចាំព័ត៌មានលម្អិតពីសមត្ថកិច្ច នៅពេលក្រោយ ៕
ចែករំលែកព័តមាននេះ