ចៅក្រម និងព្រះរាជអាជ្ញាជាង២០នាក់បានរងពិន័យក្នុងឆ្នាំនេះ
- ភ្នំពេញ
ឧបនាយករដ្ឋមន្ត្រី និងជារដ្ឋមន្ត្រីក្រសួងយុត្តិធម៌ លោក កើត រិទ្ធ បានអះអាងថា នៅក្នុងឆ្នាំ២០២៥នេះ មានចៅក្រម និងព្រះរាជអាជ្ញាជាង២០នាក់ត្រូវបានដាក់ពិន័យ ។…
ឧបនាយករដ្ឋមន្ត្រី និងជារដ្ឋមន្ត្រីក្រសួងយុត្តិធម៌ លោក កើត រិទ្ធ បានអះអាងថា នៅក្នុងឆ្នាំ២០២៥នេះ មានចៅក្រម និងព្រះរាជអាជ្ញាជាង២០នាក់ត្រូវបានដាក់ពិន័យ ។
លោកបានអះអាងនៅក្នុងពេលធ្វើបឋកថា មួយជូនដល់និស្សិតនៃសាកលវិទ្យាល័យភូមិន្ទនិតិសាស្ត្រ និងវិទ្យាសាស្ត្រ នារសៀលថ្ងៃទី១៩ ខែវិច្ឆិកា ឆ្នាំ២០២៥ថា ចៅក្រមមានជាង ១០នាក់ ហើយព្រះរាជអាជ្ញាមានជាង១០នាក់ទៀតដែលរងពិន័យ ។
លោកបានបញ្ជាក់ថា «ចៅក្រមណា ធ្វើមិនត្រូវ បណ្តេញចេញ ខ្លះត្រូវធ្លាក់ពីតំណែង ខ្លះត្រូវផ្ទេរចេញជាដើម» ។
លោកបានបន្តទៀតថា ខ្លះដែលរងពិន័យហើ យគឺត្រូវបញ្ជាឲ្យទៅរៀនឡើងវិញពីព្រោះមានកន្លែងដែលមន្ត្រីទាំងនោះ អនុវត្តមិនត្រូវច្បាប់ជាដើម ។ លោកបានបន្តថា ត្រីមួយស្អុយ គឺស្អុយទាំងអស់ ដូច្នេះបើមិនចង់ឲ្យវាស្អុយតាំងអស់ត្រូវតែដកចេញ ៕
ចែករំលែកព័តមាននេះ