រាជធានីភ្នំពេញ ៖ នារីម្នាក់ជាអតីតពលករធ្វើការនៅប្រទេសជប៉ុនបានស្រែកទ្រហោយំ បន្ទាប់ពីមកពីធ្វើការពេលយប់ ត្រឡប់មកដល់ផ្ទះវិញ ត្រូវចោរឆ្កឹះសោបន្ទប់ ចូលលួចយកអស់ប្រាក់ដុល្លារនិងលុយជប៉ុនសរុបប្រមាណជិត៣ម៉ឺនដុល្លារ។ ហេតុការណ៍ខាងលើនេះបង្កឲ្យមានការភ្ញាក់ផ្អើលកាលពីវេលាម៉ោងប្រុមាណ ជិត៦ព្រឹកថ្ងៃទី២១ ខែវិច្ឆិកា…
រាជធានីភ្នំពេញ ៖ នារីម្នាក់ជាអតីតពលករធ្វើការនៅប្រទេសជប៉ុនបានស្រែកទ្រហោយំ បន្ទាប់ពីមកពីធ្វើការពេលយប់ ត្រឡប់មកដល់ផ្ទះវិញ ត្រូវចោរឆ្កឹះសោបន្ទប់ ចូលលួចយកអស់ប្រាក់ដុល្លារនិងលុយជប៉ុនសរុបប្រមាណជិត៣ម៉ឺនដុល្លារ។
ហេតុការណ៍ខាងលើនេះបង្កឲ្យមានការភ្ញាក់ផ្អើលកាលពីវេលាម៉ោងប្រុមាណ ជិត៦ព្រឹកថ្ងៃទី២១ ខែវិច្ឆិកា ឆ្នាំ២០២៥ ស្ថិតនៅផ្ទះជួល ក្នុងសង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ ។
តាមព័ត៌មានបានឲ្យដឹងថា នៅវេលាព្រឹកព្រលឹមស្រាងៗ គេឃើញស្ត្រីរងគ្រោះបានត្រឡប់មកពីធ្វើការវេនយប់វិញ ស្រាប់តែស្រែកទ្រហោយំ បន្ទាប់ពីនាងមកដល់ផ្ទះឃើញបន្ទប់ចំហរ ត្រូវបានចោរឆ្កឹះសោ ហើយរើកកាយលួចយកប្រាក់អស់។
នារីរងគ្រោះដែលពុំបានប្រាប់អោយស្គាលអត្តសញ្ញាណនោះទេ និងបានអោយដឹងថា ប្រាក់ដែលត្រូវចោរឆ្កឹះសោបន្ទប់លួចយកទៅរួមមានះប្រាក់ដុល្លារប្រមាណ១៤០០០ដុល្លារនិងលុយជប៉ុនប្រមាណជិត ២ម៉ឺនយ៉េន ដែលសរុបប្រមាណជិត៣ម៉ឺនដុល្លារ។
នារីរងគ្រោះរូបនោះបានឲ្យដឹងថា នាងគឺជាពលករធ្វើការនៅប្រទេសជប៉ុន ខំសន្សំប្រាក់អស់រយៈពេល៧ឆ្នាំមកហើយ លុះត្រឡប់មកប្រទេសកម្ពុជាវិញខំធ្វើការងារយប់បន្តទៀត ដើម្បីសន្សំលុយធ្វើផ្ទះនៅឯស្រុក ។ ប៉ុន្តែនៅពេលថ្មីៗនេះ នាងបានដកលុយយកមកទុកនៅក្នុងបន្ទប់បំរុងធ្វើដំណើរយកលុយទាំងនោះទៅស្រុក ដើម្បីធ្វើផ្ទះ តែត្រូវបានចោរលួចអស់។
តាមព័ត៌មានឲ្យដឹងថា ក្រុមចោរអាចជាអ្នកនៅក្បែរខាងនិងបន្ទប់របស់ជនរងគ្រោះ ព្រោះតាមការបំភ្លឺពីអ្នកជិតខាងនៅមុខបន្ទប់តាមច្រកចូលមានម៉ូតូនៅខាងក្រៅ បែរជាចោរមិនលួច ស្រាប់តែទៅគាស់បន្ទប់ខាងលើលួច ។
បន្ទាប់ពីត្រូវចោរលួចលុយអស់ ស្ត្រីរងគ្រោះក៏បានជិះម៉ូតូទៅដាក់ពាក្យបណ្ដឹងនៅប៉ុស្តិ៍នគរបាលផងដែរ ដោយសង្ឃឹមថា សមត្ថកិច្ចនិងជួយស្រាវជ្រាវដើម្បីតាមចាប់ក្រុមចោរ យកមកផ្ដន្ទាទោសតាមច្បាប់៕
ចែករំលែកព័តមាននេះ