ប្រទេសប្រេស៊ីល ៖ ភ្លើងបានឆាបឆេះកន្លែងចរចាពីបរិយាកាសCOP30 នៅប្រេស៊ីល ដែលនាំឲ្យបណ្ដាប្រតិភូត្រូវបាត់បង់ពេលវេលាចុងក្រោយ ដើម្បីឲ្យមានការសម្របសម្រួលគ្នាលើបញ្ហាហិរញ្ញវត្ថុ និងថាមពលប៉ះពាល់បរិស្ថាន ពេលគ្រោងបញ្ចប់នាយប់ថ្ងៃទី២១ វិច្ឆិកា ។…
ប្រទេសប្រេស៊ីល ៖ ភ្លើងបានឆាបឆេះកន្លែងចរចាពីបរិយាកាសCOP30 នៅប្រេស៊ីល ដែលនាំឲ្យបណ្ដាប្រតិភូត្រូវបាត់បង់ពេលវេលាចុងក្រោយ ដើម្បីឲ្យមានការសម្របសម្រួលគ្នាលើបញ្ហាហិរញ្ញវត្ថុ និងថាមពលប៉ះពាល់បរិស្ថាន ពេលគ្រោងបញ្ចប់នាយប់ថ្ងៃទី២១ វិច្ឆិកា ។
ទីតាំងប្រជុំនោះនៅក្រុងBELEM ត្រូវបិទអស់ពេលជិត៧ម៉ោង កាលពីថ្ងៃទី២០ វិច្ឆិកា បង្ខំឲ្យបណ្ដាអ្នកចរចា កាត់ផ្ដាច់ការងារពួកគេ ហើយវិលទៅកាន់សណ្ឋាគារវិញ។ ទីតាំងនោះ ត្រូវបានបើកឡើងវិញនាវេលាល្ងាចថ្ងៃនោះ ក្រោយការត្រួតពិនិត្យរួចរាល់ពីបណ្ដាអ្នកពន្លត់ភ្លើង។ ការចរចាដែលរអាក់រអួលនាថ្ងៃទី២០ វិច្ឆិកា អាចដំណើរការពេញលេញវិញដល់ព្រឹកថ្ងៃទី២១ វិច្ឆិកា ។
នេះជាឧប្បត្តិហេតុលើកទី៣ហើយ ដែលនាំឲ្យស្ទះដល់សន្និសីទរបស់អ.ស.ប ដែលចាប់ផ្ដើមពីសប្ដាហ៍មុនមកនៅទីក្រុង តំបន់អាម៉ាហ្សូនប្រេស៊ីលនោះ។ ឧប្បត្តិហេតុដំបូងគឹបាតុកម្មរបស់ប្រជាជនដើមម្ចាស់ស្រុក ដែលលើកគ្នាមកអុកឡុក បន្ទាប់មកការរាំងខ្ទប់បិទច្រកចូល ធ្វើឲ្យកិច្ចប្រជុំកំពូលស្ដីពិបរិយាកាសនោះ រៀបចំឡើងដោយអ.ស.បជាមួយប្រេស៊ីលមានការរអាក់រអួលរួចមកហើយ។
ភ្លើងចាប់ឆាបឆេះនាវេលាម៉ោង១៤ម៉ោងក្នុងស្រុក នៅចំកណ្ដាលទីតាំងបណ្ដោះអាសន្នកសាងឡើងនៅក្នុងឧទ្យានCIDADE ជាជំរំតង់ដ៏ធំបំពាក់ម៉ាស៊ីនត្រជាក់ ។ ពេលកើតមានភ្លើងឆេះជំរំតង់ បណ្ដាអ្នកចូលរួមសន្និសីទបានរត់ទៅរកច្រកចេញ ។ តែប៉ុន្មាននាទីផ្សែងភ្លើងរាតត្បាតពេញជំរំ ហើយអណ្ដាតភ្លើងលេបត្របាក់ដំបូលខាងផ្នែកស្តង់ជាតិ។ ស្តង់សម្រាប់សហគមន៍រដ្ឋអាហ្វ្រិកខាងកើត ក៏ជាស្តង់ត្រូវភ្លើងឆេះអស់ដែរ ៕
ចែករំលែកព័តមាននេះ