ខេត្តពោធិ៍សាត់ ៖ មន្ត្រីជំនាញនៃខេត្តពោធិ៍សាត់ បានធ្វើការបំភ្លឺថា ស្ថានភាពជំនន់ទឹកភ្លៀង ដែលកំពុងបង្កការជន់លិចនៅក្នុងក្រុងពោធិ៍សាត់នាពេលនេះ មិនមែនបណ្តាលមកពីការរងសម្ពាធទឹក ឬការហូរធ្លាក់ពីប្រទេសជិតខាងនោះទេ ។ ជាក់ស្តែង…
ខេត្តពោធិ៍សាត់ ៖ មន្ត្រីជំនាញនៃខេត្តពោធិ៍សាត់ បានធ្វើការបំភ្លឺថា ស្ថានភាពជំនន់ទឹកភ្លៀង ដែលកំពុងបង្កការជន់លិចនៅក្នុងក្រុងពោធិ៍សាត់នាពេលនេះ មិនមែនបណ្តាលមកពីការរងសម្ពាធទឹក ឬការហូរធ្លាក់ពីប្រទេសជិតខាងនោះទេ ។
ជាក់ស្តែង រដ្ឋបាលក្រុងពោធិ៍សាត់ បានប្រកាសនារសៀលថ្ងៃទី២១ ខែវិច្ឆិកានេះថា៖ មន្ត្រីខេត្តពោធិ៍សាត់ ៖ ជំនន់លិចក្រុងពោធិ៍សាត់ មិនមែនជាការរងសម្ពាធពីប្រទេសជិតខាងនោះទេ ។
កត្តាដែលធ្វើឱ្យជន់លិច ដោយសារស្ទឹងមេទាំង៣ ក្នុងខេត្តនេះលិចព្រមគ្នា ក្នុងនោះទឹកចេញមកពីស្ទឹងមេធំហូរមកកាន់ស្រុកវាលវែង ហូរចាក់មកប្រសព្វគ្នាជាមួយស្ទឹងអារ៉ែង និងស្ទឹងព្រៃខ្លុង ដែលប្រសព្វគ្នាត្រង់ចំណុច ស្រុកភ្នំក្រវាញ ។
កាលណាស្ទឹងទាំង៣ មានការជន់លិចព្រមគ្នា នោះនឹងធ្វើឱ្យខេត្ត ត្រូវប្រឈមនឹងការជន់លិចក្នុងក្រុងពោធិ៍សាត់។
នាមុននេះបន្តិចដែរ លោក ខូយ វីដា អភិបាលខេត្តពោធិ៍សាត់ បានប្រកាសថា ស្ថានភាពជំនន់ទឹកភ្លៀងស្ទឹងពោធិ៍សាត់ នៅម៉ោង១រសៀលនេះ បានស្រកចុះក្នុងកម្រិតតិចតួចបំផុត ពោល គឺទឹកកំពុងតែបែកវាល។
សូមបញ្ជាក់ថា នៅពេលដែលស្ទឹងទាំង៣ មានបរិមាណទឹកច្រើន ហើយជន់ឡើងព្រមគ្នានោះ វានឹងបង្កើតជាគំហុកទឹកហូរធ្លាក់មកផ្នែកខាងក្រោមយ៉ាងខ្លាំង ដែលធ្វើឱ្យក្រុងពោធិ៍សាត់ត្រូវប្រឈមមុខនឹងការជន់លិចដូចរូបភាពជាក់ស្តែង ៕
ចែករំលែកព័តមាននេះ