រាជធានីភ្នំពេញ ៖ រថយន្តមួយគ្រឿង Hyundai Starex ជិះជាលក្ខណៈគ្រួសារសុខៗ ស្រាប់តែឆ្លងចរន្តបង្កជាអណ្តាតភ្លើងឆាបឆេះយ៉ាងសន្ធោសន្ធៅ ផ្អើលប្រជាពលរដ្ឋនិងសមត្ថកិច្ចចេញរថយន្តពន្លត់អគ្គីភ័យអន្តរាគមន៍បាញ់ពន្លត់ កាលពីវេលាម៉ោង៦និង១៥នាទីយប់ថ្ងៃទី២០ ខែវិច្ឆិកា…
រាជធានីភ្នំពេញ ៖ រថយន្តមួយគ្រឿង Hyundai Starex ជិះជាលក្ខណៈគ្រួសារសុខៗ ស្រាប់តែឆ្លងចរន្តបង្កជាអណ្តាតភ្លើងឆាបឆេះយ៉ាងសន្ធោសន្ធៅ ផ្អើលប្រជាពលរដ្ឋនិងសមត្ថកិច្ចចេញរថយន្តពន្លត់អគ្គីភ័យអន្តរាគមន៍បាញ់ពន្លត់ កាលពីវេលាម៉ោង៦និង១៥នាទីយប់ថ្ងៃទី២០ ខែវិច្ឆិកា ឆ្នាំ២០២៥ នៅចំណុចស្តុបអ៊ីអន៣ ផ្លូវ៦០ម៉ែត្រ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
រថយន្តមួយគ្រឿងខាងលើម៉ាក Hyundai Starex ពណ៌ទឹកប្រាក់ ពាក់ស្លាកលេខ ភ្នំពេញ 2AW-3353 ។
តាមប្រភពពីក្រុមគ្រួសារដែលជិះក្នុងរថយន្តខាងលើបានអោយដឹងថា មុនពេលកើតហេតុ រថយន្តមួយគ្រឿងខាងលើ មានគ្នា៥នាក់ ក្នុងនោះប្រុសម្នាក់ និងមនុស្សស្រីមានកូនតូចចំនួន៤នាក់ រួមទាំងអ្នកបើកបរ បានជិះរថយន្តចេញពីបើកថ្នាំ អោយកូននៅមន្ទីរពេទ្យ រួចហើយក៍ឈៀងចូលលេងផ្សារទំនើបជីបម៉ុងបន្តិចផងដែរ ។
តាមប្រភពបន្តទៀតថា លុះពេលចេញពីផ្សារទំនើបរួច ពួកគាត់ជាលក្ខណៈគ្រួសារ បាននាំគ្នាជិះរថយន្ដរបស់ខ្លួនក្នុងគោលបំណងត្រឡប់ទៅវិញនៅម្តុំផ្លូវ៥០ម៉ែត្រក្នុងខណ្ឌដង្កោ ដោយធ្វើដំណើរតាមបណ្ដោយផ្លូវ៦០ម៉ែត្រ ក្នុងទិសដៅពីជើងទៅត្បូង លុះមកដល់ចំណុចកើតហេតុ មិនដឹងជាយ៉ាងមិច ក៍ស្រាប់តែបានឆាបឆេះ ចេញពីផ្នែកខាងមុខយ៉ាងសន្ធោសន្ធៅតែម្តងធ្វើអោយពួកគាត់ដែលជិះក្នុងរថយន្តភ័យស្លន់ស្លោនាំគ្នាចុះពីលើរថយន្ត និងរកជំនួយដើម្បីពន្លត់ផង ។ ពេលនោះក៍មានបងប្អូនប្រជាពលរដ្ឋ ក៍ដូចជាខាងផ្សារទំនើប បានយកបំពង់ពន្លត់អគ្គិភ័យមកបាញ់ពន្លត់អស់ជាច្រើនបំពង់ដែរ តែមិនរលត់ ទើបរាយការណ៍បន្តសុំជំនួយរថយន្តពន្លត់អគ្គីភ័យ បានចេញទៅអន្តរាគមន៍ចំនួន២ និងបានធ្វើការបាញ់ពន្លត់អស់ទឹក១រថយន្តទំនើបធ្វើឲ្យអណ្តាតភ្លើងរលត់ទៅវិញម៉ោង៦និង៥០យប់ថ្ងៃដដែល ជាស្ថាពរផងដែរ ។
សមត្ថកិច្ចបានអោយដឹងថា ករណីខាងលើមិនមានគ្រោះថ្នាក់ដល់មនុស្សណាម្នាក់នោះទេ គឺគ្រាន់តែខូចខាតរថយន្តអស់ទាំងស្រុងតែប៉ុណ្ណោះ ។ ចំពោះមូលហេតុបណ្តាលមកពីឆ្លងចរន្តបង្កជាការឆាបឆេះតែម្តង ៕
ចែករំលែកព័តមាននេះ