រាជធានីភ្នំពេញ ៖ ស្ថានទូតកម្ពុជាប្រចាំនៅសាធារណៈកូរ៉េ រៀបចំគម្រោងក្នុងការដាក់បង្ហាញវប្បធម៌របាំ និងសម្លៀកបំពាក់ប្រពៃណីខ្មែរនៅក្នុងប្រទេសកូរ៉េ និងបំណងចង់រៀបចំឱ្យមានក្រុមរបាំខ្មែរជំនាញនៅក្នុងប្រទេសកូរ៉េ ដើម្បីជួយផ្សព្វផ្សាយពីវប្បធម៌ដ៏ផូរផង់របស់កម្ពុជាបន្ថែមទៀត ។ នេះបើឯកឧត្តម ឃួន…
រាជធានីភ្នំពេញ ៖ ស្ថានទូតកម្ពុជាប្រចាំនៅសាធារណៈកូរ៉េ រៀបចំគម្រោងក្នុងការដាក់បង្ហាញវប្បធម៌របាំ និងសម្លៀកបំពាក់ប្រពៃណីខ្មែរនៅក្នុងប្រទេសកូរ៉េ និងបំណងចង់រៀបចំឱ្យមានក្រុមរបាំខ្មែរជំនាញនៅក្នុងប្រទេសកូរ៉េ ដើម្បីជួយផ្សព្វផ្សាយពីវប្បធម៌ដ៏ផូរផង់របស់កម្ពុជាបន្ថែមទៀត ។ នេះបើឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំនៅសាធារណៈកូរ៉េ ។
ឯកឧត្តម ឃួន ផុនរតនៈ ឯកអគ្គរាជទូតតែងតាំងនៅសាធារណៈរដ្ឋកូរ៉េ បានទទួលជួបលោក Chung Samuel ប្រធានសមាគមវប្បធម៌កូរ៉េ (Korean Culture Association-KCA) ដើម្បីសម្តែងការគួរសម និងពិភាក្សាការងារ។ លោក Chung Samuel បានសម្តែងការពេញចិត្ត ចំពោះកិច្ចសហការរវាងស្ថានទូត និងសមាគមវប្បធម៌កូរ៉េកន្លងមក ព្រមទាំងសង្ឃឹមថា នឹងអាចបន្តកិច្ចសហការលើគម្រោងផ្លាស់ប្តូរវប្បធម៌រវាងប្រទេសទាំងពីរប្រកបដោយភាពជោគជ័យបន្ថែមទៀតនាពេលខាង
មុខ។
ឆ្លៀតក្នុងឱកាសនេះ ឯកឧត្តមឯកអគ្គរាជទូតក៏បានលើកឡើងអំពីគម្រោងក្នុងការដាក់បង្ហាញវប្បធម៌ របាំនិងសម្លៀកបំពាក់ប្រពៃណីខ្មែរ នៅក្នុងប្រទេសកូរ៉េ និងបំណងចង់រៀបបចំឱ្យមានក្រុមរបាំខ្មែរជំនាញនៅក្នុងប្រទេសកូរ៉េដើម្បីជួយផ្សព្វផ្សាយពីវប្បធម៌ដ៏ផូរផង់របស់កម្ពុជាបន្ថែមទៀត។
លោក Chung Samuel បានកោតសរសើរចំពោះគម្រោងដែលឯកឧត្តមឯកអគ្គរាជទូតបានលើកឡើង និងបង្ហាញពីបំណងចង់សហការរៀបចំបង្កើតកម្មវិធី ដែលអាចបង្ហាញអំពីវប្បធម៌នៃប្រទេសទាំងពីរ ក្នុងឱកាសណាមួយនាពេលអនាគត ៕
ចែករំលែកព័តមាននេះ