រាជធានីភ្នំពេញ ៖ គម្រោងអភិវឌ្ឍន៍មូលដ្ឋាន រៀបចំសណ្តាប់ធ្នាប់សាធារណៈ និងការរំដោះប្រព័ន្ធប្រឡាយលូ នៅក្នុងភូមិសាស្ត្រខណ្ឌពោធិ៍សែនជ័យ ទទួលបានការគាំទ្រយ៉ាងពេញទំហឹងពីសំណាក់ថ្នាក់ដឹកនាំកំពូលនៃក្រសួងរៀបចំដែនដី នគរូបនីយកម្ម និងសំណង់។ នេះបើយោងតាមការបញ្ជាក់របស់លោក…
រាជធានីភ្នំពេញ ៖ គម្រោងអភិវឌ្ឍន៍មូលដ្ឋាន រៀបចំសណ្តាប់ធ្នាប់សាធារណៈ និងការរំដោះប្រព័ន្ធប្រឡាយលូ នៅក្នុងភូមិសាស្ត្រខណ្ឌពោធិ៍សែនជ័យ ទទួលបានការគាំទ្រយ៉ាងពេញទំហឹងពីសំណាក់ថ្នាក់ដឹកនាំកំពូលនៃក្រសួងរៀបចំដែនដី នគរូបនីយកម្ម និងសំណង់។ នេះបើយោងតាមការបញ្ជាក់របស់លោក ប៉ាង លីដា អភិបាលរងខណ្ឌពោធិ៍សែនជ័យ នៅថ្ងៃទី១៩ ខែវិច្ឆិកា ឆ្នាំ២០២៥។
ជាក់ស្តែងលោក ប៉ាង លីដា អភិបាលរងខណ្ឌពោធិ៍សែនជ័យ បានប្រកាសនៅលើបណ្តាញសង្គមហ្វេសប៊ុករបស់លោក នាថ្ងៃទី១៩ ខែវិច្ឆិកានេះថា ៖ ឯកឧត្តមឧបនាយករដ្ឋមន្ត្រី ក្រសួងដែនដី សាយ សំអាល់ បានគាំទ្រគម្រោងរៀបចំសណ្តាប់ធ្នាប់ និងរំដោះប្រឡាយ លូក្នុងខណ្ឌពោធ៍សែនជ័យដោយផ្ទាល់ ។
លោក ប៉ាង លីដា បានបញ្ជាក់បន្ថែមថា ថ្ងៃទី១៩ ខែវិច្ឆិកា ឆ្នាំ២០២៥ ឯកឧត្តម ឧបនាយករដ្ឋមន្ត្រីក្រសួងដែនដី សាយ សំអាល់ បានផ្តល់នូវមហាកិត្តិយស ឲ្យខ្ញុំបានជួបជាលើកទី២ ក្រោយពីបានជួបសំណេះសំណាល កាលពីថ្ងៃទី២៣ ខែតុលា ឆ្នាំ២០២៥ ។ លើកនេះ ឯកឧត្តមឧបនាយករដ្ឋមន្ត្រី បានពង្រឹងបន្ថែមលើកិច្ចការខាងលើបន្ថែមទៀត ដើម្បីទទួលបានការងារកាន់តែល្អប្រសើរ ។
ជាមួយនឹងការទទួលបានការគាំទ្រពីថ្នាក់ដឹកនាំ លោក ប៉ាង លីដា ក៏បានដាក់ចេញនូវពាក្យស្លោកនៃយុទ្ធនាការមួយថា «តោះសម្អាតផ្ទះខ្ញុំ សម្អាតផ្លូវខ្ញុំ សម្អាតប្រឡាយខ្ញុំ» ដើម្បីជាការដាស់តឿន និងអំពាវនាវដល់បងប្អូនប្រជាពលរដ្ឋក្នុងមូលដ្ឋាន ឱ្យចូលរួមសហការជាមួយអាជ្ញាធរ ក្នុងការថែរក្សាបរិស្ថាន និងសោភ័ណភាពទីក្រុងឱ្យកាន់តែល្អប្រសើរឡើង ៕
ចែករំលែកព័តមាននេះ