ខេត្តស្វាយរៀង ៖ តាមសេចក្តីរាយការណ៍បឋមឲ្យដឹងថា កាលពីរសៀលថ្ងៃទី១៨ ខែវិច្ឆិកា ឆ្នាំ២០២៥ កន្លងទៅ មានករណីហិង្សាក្នុងគ្រួសារមួយកើតឡើងនៅភូមិសង្គ្រោះ ឃុំសំបួរ ស្រុកស្វាយទាប…
ខេត្តស្វាយរៀង ៖ តាមសេចក្តីរាយការណ៍បឋមឲ្យដឹងថា កាលពីរសៀលថ្ងៃទី១៨ ខែវិច្ឆិកា ឆ្នាំ២០២៥ កន្លងទៅ មានករណីហិង្សាក្នុងគ្រួសារមួយកើតឡើងនៅភូមិសង្គ្រោះ ឃុំសំបួរ ស្រុកស្វាយទាប ។
ប្តីប្រពន្ធមួយគូបានឈ្លោះប្រកែកគ្នា ហើយអាចថា ប្តីឈ្លោះមិនឈ្នះប្រពន្ធក៏ដុតផ្ទះចោល ធ្វើឲ្យមានការភ្ញាក់ផ្អើលដល់សមត្ថកិច្ចទៅអន្តរាគមន៍ ។ ប៉ុន្តែហួសពេលទៅហើយ ផ្ទះឈើប្រក់ស័ង្កសី មានទំហំ៥ម៉ែត្រគុណនឹង៦ម៉ែត្រ ត្រូវភ្លើងឆេះហ្មត់ ហើយបុរសជាប្តីដែលជាអ្នកដុតក៏គេចខ្លួនបាត់ដែរ ។
បុរសរូបនេះឈ្មោះ អ៊ុក រិទ្ធី អាយុ៣៦ឆ្នាំ ប្រពន្ធឈ្មោះ ប្រាក់ សុធារី អាយុ៣២ឆ្នាំ ។ ទោះជាយ៉ាងណាក្តី សមត្ថកិច្ចនៅតែបន្តចាត់ការលើបុរសជាប្តីដែលជាជនកំហូចឈ្លោះមិនឈ្នះប្រពន្ធដុតផ្ទះចោលនោះ គឺមិនឱ្យរួចខ្លួនទេ ៕
ចែករំលែកព័តមាននេះ