ប្រទេសកូរ៉េខាងត្បូង ៖ តាមទីភ្នាក់ងារព័ត៌មានកូរ៉េខាងត្បូងYONHAPថា កងឆ្មាំឆ្នេរសមុទ្រកូរ៉េខាងត្បូងរាយការណ៍ នាថ្ងៃទី២០ វិច្ឆិកា ថា អ្នកដំណើរនិងសមាជិកក្រុមនាវិកទាំង២៦៧នាក់ ត្រូវបានជួយសង្គ្រោះដោយសុខសប្បាយ បន្ទាប់ពីនាវាដឹកអ្នកដំណើរដែលពួកគេជិះបានលិចក្នុងដែនទឹកនៃឆ្នេរសមុទ្រភាគនិរតីកូរ៉េខាងត្បូង…
ប្រទេសកូរ៉េខាងត្បូង ៖ តាមទីភ្នាក់ងារព័ត៌មានកូរ៉េខាងត្បូងYONHAPថា កងឆ្មាំឆ្នេរសមុទ្រកូរ៉េខាងត្បូងរាយការណ៍ នាថ្ងៃទី២០ វិច្ឆិកា ថា អ្នកដំណើរនិងសមាជិកក្រុមនាវិកទាំង២៦៧នាក់ ត្រូវបានជួយសង្គ្រោះដោយសុខសប្បាយ បន្ទាប់ពីនាវាដឹកអ្នកដំណើរដែលពួកគេជិះបានលិចក្នុងដែនទឹកនៃឆ្នេរសមុទ្រភាគនិរតីកូរ៉េខាងត្បូង កាលពីថ្ងៃទី១៩ វិច្ឆិកា ។ ការស៊ើបអង្កេតមួយកំពុងធ្វើផ្ដោតលើលទ្ធភាពនៃការធ្វេសប្រហែសក្នុងការបើកបរដែលជាមូលហេតុជាយថាហេតុនៃគ្រោះថ្នាក់នេះ ។
នាវាឈ្មោះLE QUEEN JENUVIA II ចំណុះ២៦.៥៤៦តោននោះ ដឹកអ្នកដំណើរ២៤៦នាក់ និងសមាជិកក្រុមនាវិក២១នាក់ បានបញ្ចេញសញ្ញាប្រកាសអាសន្ន បន្ទាប់ពីចាប់លិចនៅជិតកូនកោះគ្មានមនុស្សនៅJOK ជិតកោះJANGSAN ក្នុងដែនទឹកខេត្តស៊ីណានចម្ថាយ៣៦៦គីឡូម៉ែត្រ ខាងត្បូងក្រុងសេអ៊ូល នាវេលាម៉ោង២០និង១៧នាទីម៉ោងក្នុងស្រុក ។ នាវានោះបើកសំដៅទៅកំពង់ផែMOKPO បន្ទាប់ពីចាកចេញពីកោះJEJU ។ ពាក់កណ្ដាលនៃសំបកនាវាត្រូវបានរកឃើញនៅកូនកោះ JOK ។
គ្មានអ្នករបួសណាម្នាក់ ត្រូវបានរាយការណ៍ឡើយ តែមនុស្ស២៧នាក់ត្អូញត្អែរថា ឈឺចាប់ក្នុងខ្លួនដោយសារការទង្គិចខ្លាំង ពេលនាវានោះលិច ។ មនុស្សទាំងអស់ដែលជិះក្នុងនាវានេះ ត្រូវបានដឹកមកកាន់កំពង់ផែមួយដែលនៅក្បែរតាមបណ្ដានាវារបស់កងឆ្មាំឆ្នេរសមុទ្រនិងនាវាដទៃៗទៀត។
ក្នុងប្រតិបត្តិការជួយសង្គ្រោះកងឆ្មាំឆ្នេរសមុទ្រ់់បានដាក់ពង្រាយនាវាល្បាត១៧គ្រឿង នាវាជួយសង្គ្រោះឆ្នេរសមុទ្រ៤គ្រឿង យន្តហោះ១គ្រឿង និងបុគ្គលិកជួយសង្គ្រោះពិសេស។ អាជ្ញាធរសមុទ្រកូរ៉េខាងត្បូងសន្មត់ថា នាវាដឹកអ្នកដំណើរនោះលិចដោយសារកំហុសរបស់មនុស្ស ។ នាវាកាច់ចង្កូតយឺតពេលងាកមកផ្លូវធម្មតាខណៈទឹកសមុទ្រកំពុងមានរលកធំៗ ៕
ចែករំលែកព័តមាននេះ