សង្គ្រាមអ៊ុយក្រែន ៖ អ្នកទទួលខុសត្រូវជាន់ខ្ពស់អ៊ុយក្រែនម្នាក់ ដែលមិនបង្ហាញអត្តសញ្ញាណថ្លែងថា យើងទទួលបានព័ត៌មាននានាដែលថា យើងត្រូវយល់ព្រមទទួលយកផែនការសន្តិភាពមួយ ដែលហាក់ដូចជាលក្ខខណ្ឌជាមុនរបស់រុស្ស៊ីកាត់ដែនដីកាន់កាប់ឲ្យខ្លួន ជាការទាមទារដែលបរិហារដោយក្រុងគៀវ ។ ការប្រគល់ដែនដីបែបនេះ…
សង្គ្រាមអ៊ុយក្រែន ៖ អ្នកទទួលខុសត្រូវជាន់ខ្ពស់អ៊ុយក្រែនម្នាក់ ដែលមិនបង្ហាញអត្តសញ្ញាណថ្លែងថា យើងទទួលបានព័ត៌មាននានាដែលថា យើងត្រូវយល់ព្រមទទួលយកផែនការសន្តិភាពមួយ ដែលហាក់ដូចជាលក្ខខណ្ឌជាមុនរបស់រុស្ស៊ីកាត់ដែនដីកាន់កាប់ឲ្យខ្លួន ជាការទាមទារដែលបរិហារដោយក្រុងគៀវ ។ ការប្រគល់ដែនដីបែបនេះ មានន័យស្មើនឹងការចុះចាញ់ ។ តាមប្រភពនេះថា យើងទទួលសញ្ញានានាដែលថា យើងត្រូវទទួលយកផែនការនោះ ។
សំណើនេះក៏បញ្ចូលផងដែរ ការទទួលស្គាល់ការធ្វើឧបសម្ព័ន្ធរបស់រុស្ស៊ីយកគ្រីមេ ជាដែនដីខ្លួន និងតំបន់ដទៃៗទៀតដែលរុស្ស៊ីកាន់កាប់ ព្រមទាំងការកាត់បន្ថយចំនួនកងទ័ពមកនៅត្រឹម៤០០.០០០នាក់ ។ ផែនការនោះ គ្រោងផងដែរថា អ៊ុយក្រែនត្រូវបោះបង់ចោលបណ្ដាអាវុធរយៈឆ្ងាយរបស់ខ្លួន។ ប្រការសំខាន់ គឺយើងមិនដឹងថា តើផែនការនោះពិតជាផែនការរបស់លោកដូណាល់ត្រាំ ឬរបស់មនុស្សជំនិតលោកឡើយ ។
អ្នកទទួលខុសត្រូវអ៊ុយក្រែនរូបនោះបន្តទៀតថា បណ្ដាព័ត៌មានដែលផ្ដល់ឲ្យនៅមិនទាន់ច្បាស់ លើឥរិយាបថដែលរុស្ស៊ីប្រកាន់យកឡើយ ។ សារព័ត៌មានអាមេរិកAXIOS អះអាងនាពេលមុននេះថា ក្រុងវ៉ាស៊ីនតោន និងក្រុងមូស្គូបានធ្វើការជាសម្ងាត់លើផែនការនោះ ដើម្បីបញ្ចប់សង្គ្រាម។ វិមានក្រឹមឡាំងបដិសេធមិនធ្វើអត្ថាធិប្បាយ លើព័ត៌មានទាំងនេះឡើយ។
រុស្ស៊ីបច្ចុប្បន្នកំពុងកាន់កាប់ដែនដីអ៊ុយក្រែន២០%។ វិមានក្រឹមឡាំងប្រកាសកាលពីឆ្នាំ២០២២ ក្រៅពីការបញ្ចូលជាឧបសម្ព័ន្ធយកតំបន់គ្រីមេកាលពីឆ្នាំ២០១៤ ធ្វើឧបសម្ព័ន្ធតំបន់អ៊ុយក្រែន៤ថែមទៀត គឺតំបន់ដូណេតស្ក៍និងលូហ្គានស្ក៍ភាគខាងកើត តំបន់ហ្សាប៉ូរីហ្ស៊ីយ៉ា និងតំបន់ឃ័រសុនភាគខាងត្បូងប្រទេស។ ប៉ុន្តែកងទ័ពរុស្ស៊ីមិនទាន់កាន់កាប់ទាំងស្រុងដែនដីទាំងនេះឡើយ ៕
ចែករំលែកព័តមាននេះ