រាជធានីភ្នំពេញ ៖ កម្លាំងគណៈបញ្ជាការឯកភាពខណ្ឌ៧មករាបាន បន្តចុះរៀបចំសណ្ដាប់ធ្នាប់នៅក្នុងមូលដ្ឋាន តាមទីតាំងមួយចំនួនតែងតែយកផ្លូវសាធារណៈ ដើម្បីប្រយោជន៍ផ្ទាល់ខ្លួន ធ្វើជាកន្លែងទទួលផ្ញើរថយន្តនិងម៉ូតូ បង្កឲ្យបាត់បង់សណ្ដាប់ធ្នាប់សាធារណៈនិងបង្កការកកស្ទះចរាចរណ៍ ។ ការចុះរៀបចំសណ្តាប់ធ្នាប់នេះដែរបានធ្វើឡើងកាលពីព្រឹកថ្ងៃទី១៨…
រាជធានីភ្នំពេញ ៖ កម្លាំងគណៈបញ្ជាការឯកភាពខណ្ឌ៧មករាបាន បន្តចុះរៀបចំសណ្ដាប់ធ្នាប់នៅក្នុងមូលដ្ឋាន តាមទីតាំងមួយចំនួនតែងតែយកផ្លូវសាធារណៈ ដើម្បីប្រយោជន៍ផ្ទាល់ខ្លួន ធ្វើជាកន្លែងទទួលផ្ញើរថយន្តនិងម៉ូតូ បង្កឲ្យបាត់បង់សណ្ដាប់ធ្នាប់សាធារណៈនិងបង្កការកកស្ទះចរាចរណ៍ ។
ការចុះរៀបចំសណ្តាប់ធ្នាប់នេះដែរបានធ្វើឡើងកាលពីព្រឹកថ្ងៃទី១៨ ខែវិច្ឆិកា ឆ្នាំ២០២៥នេះ កម្លាំងគណៈបញ្ជាការឯកភាពខណ្ឌ៧មករា ក្រោមការណែនាំពី លោក ថេង សុថុល អភិបាលខណ្ឌ៧មករា ឲ្យកម្លាំងសណ្ដាប់ធ្នាប់ចុះចាត់វិធានការការក្ដៅ ចំពោះទីតាំងយកផ្លូវសាធារណៈដើម្បីប្រយោជន៍ផ្ទាល់ខ្លួន ធ្វើជាកន្លែងទទួលផ្ញើរថយន្តនិងម៉ូតូ នៅចំណុចផ្លូវលេខ១៦៩ កែងផ្លូវលេខ១១៤ ជាប់របងមន្ទីររៀបចំដែនដីនគរូបនីយកម្មសំណង់និងសុរិយោដីរាជធានីភ្នំពេញ ក្បែរស្តុបក្ដាន់២ មូលដ្ឋានសង្កាត់មិត្តភាព ខណ្ឌ៧មករា រាជធានីភ្នំពេញ ។
លោក ព្រំ ស៉ីថា អនុប្រធានសណ្ដាប់ធ្នាប់នៃរដ្ឋបាលខណ្ឌ៧មករាបាន បានបញ្ជាក់ថា កន្លងមកអាជ្ញាធរខណ្ឌ៧មករា តែងចុះផ្សព្វផ្សាយណែនាំជាប្រចាំឲ្យបងប្អូនប្រកបអាជីវកម្មចូលរួមរក្សាចិញ្ជើមផ្លូវសាធារណៈ ដើម្បីសោភ័ណភាពដងផ្លូវ កាត់បន្ថយការកក់ស្ទះចរាចរណ៍ សូមឈប់បន្តយកផ្លូវសាធារណៈប្រកបអាជីវកម្ម ផ្ទាល់ខ្លួន ។ ជាក់ស្ដែងដូចទីតាំងខាងលើនេះតែងតែយកផ្លូវសាធារណៈធ្វើជាកន្លែងទទួលផ្ញើម៉ូតូឡាន ចតពេញផ្លូវ ចតទាំងចំណុចផ្លូវកែង មិនខ្វល់ពីការលំហូរចរាចរណ៍របស់ប្រជាពលរដ្ឋអ្នកធ្វើដំណើរឡើយ។
ក្នុងការចុះចាត់វិធានការនេះ កម្លាំងអាជ្ញាធរបានយករនាំងដែកចាក់សោរកង់រថយន្តដែលចតលើផ្លូវ និងម៉ូតូមួយចំនួនផងដែរ ៕
ចែករំលែកព័តមាននេះ