ខេត្តស្ទឹងត្រែង ៖ ប្រជាពលរដ្ឋមួយចំនួន នៅក្រុងស្ទឹងត្រែង បាននាំគ្នាទៅដាក់ពាក្យបណ្តឹងនៅបញ្ជាការដ្ឋានកងរាជអាវុធហត្ថខេត្តស្ទឹងត្រែង កាលពីព្រឹកថ្ងៃទី១៧ ខែវិច្ឆិកា ឆ្នាំ២០២៥ ក្រោយពីម៉ូតូសរុបចំនួន ៥គ្រឿង…
ខេត្តស្ទឹងត្រែង ៖ ប្រជាពលរដ្ឋមួយចំនួន នៅក្រុងស្ទឹងត្រែង បាននាំគ្នាទៅដាក់ពាក្យបណ្តឹងនៅបញ្ជាការដ្ឋានកង
រាជអាវុធហត្ថខេត្តស្ទឹងត្រែង កាលពីព្រឹកថ្ងៃទី១៧ ខែវិច្ឆិកា ឆ្នាំ២០២៥ ក្រោយពីម៉ូតូសរុបចំនួន ៥គ្រឿង ត្រូវបានចោរលួចបាត់បន្តបន្ទាប់គ្នា ក្នុងយប់រំលងអាធ្រាត្រឈានចូលថ្ងៃដដែល ។
តាមពាក្យបណ្តឹងរបស់ពលរដ្ឋ រាយការណ៍ថា ហេតុការណ៍បាត់បង់ម៉ូតូទាំង៥គ្រឿង បានកើតឡើងនៅគោលដៅផ្សេងៗគ្នាក្នុងភូមិសាស្ត្រក្រុងស្ទឹងត្រែង។ នៅភូមិអូរពងមាន់២ សង្កាត់ស្ទឹងត្រែង ម៉ូតូចំនួន ២គ្រឿង ត្រូវបានបាត់បង់នៅវេលាម៉ោងប្រមាណ ២និង
៣៥ នាទីរំលងអាធ្រាត្រ។ នៅភូមិស្រែពោធិ៍ សង្កាត់ស្រះឬស្សី ក្រុងស្ទឹងត្រែង ម៉ូតូចំនួន ២គ្រឿង ដែលជារបស់និស្សិតពេទ្យក៏ត្រូវបានចោរលួចផងដែរ។ នៅចំណុចផ្ទះជួលភូមិព្រែក សង្កាត់ស្ទឹងត្រែង ម៉ូតូចំនួន ១គ្រឿង ក៏បានបាត់បង់ក្នុងរយៈពេលជាមួយគ្នានេះ។
កងរាជអាវុធហត្ថខេត្ត ចុះប្រតិបត្តិការណ៍ និងរកឃើញម៉ូតូបាន ១គ្រឿងមកវិញភ្លាមៗ បន្ទាប់ពីទទួលបានពាក្យបណ្តឹង និងព័ត៌មានពីករណីលួចម៉ូតូទ្រង់ទ្រាយធំនេះ កម្លាំងស្នាក់ការសន្តិសុខ៧២២ នៃកងរាជអាវុធហត្ថខេត្តស្ទឹងត្រែង បានចេញប្រតិបត្តិការណ៍ស្រាវជ្រាវភ្លាមៗនៅវេលាយប់ថ្ងៃទី ១៧ ខែវិច្ឆិកា ឆ្នាំ២០២៥ ។
លទ្ធផលជាបឋម នៃការចុះប្រតិបត្តិការណ៍ បានធ្វើឲ្យកម្លាំងសមត្ថកិច្ចរកឃើញម៉ូតូរបស់ពលរដ្ឋបានចំនួន ១គ្រឿង ដែលបាត់បង់ពីភូមិអូរពងមាន់ ត្រឡប់មកវិញប្រគល់ជូនម្ចាស់ដើមវិញ ។
បច្ចុប្បន្នកម្លាំងជំនាញកងរាជអាវុធហត្ថខេត្ត និងកម្លាំងស្នងការដ្ឋាននគរបាលខេត្តកំពុងបន្តបើកការស៊ើបអង្កេត និងស្រាវជ្រាវយ៉ាងយកចិត្តទុកដាក់ដើម្បីស្វែងរកម៉ូតូ ដែលនៅសល់ទាំង ៤គ្រឿងទៀត និងកំណត់មុខសញ្ញាចោរលួចយកមកផ្តន្ទាទោសតាមច្បាប់៕
ចែករំលែកព័តមាននេះ