ខេត្តកំពង់ស្ពឺ ៖ ជនសង្ស័យក្នុងករណីលួចនិងប្លន់ម៉ូតូចំនួន៤នាក់ បានត្រូវនគរបាលស្រុកបសេដ្ឋឃាត់ខ្លួនបន្តបន្ទាប់ កាលពីល្ងាចថ្ងៃទី១៥ ខែវិច្ឆិកា ឆ្នាំ២០២៥កន្លងទៅ ក្រោយពីធ្វើសកម្មភាពបន្លំលួចម៉ូតូអ្នកលក់នំប៉ោងបានសម្រេចហើយម្ចាស់បានដាក់ពាក្យបណ្តឹងទៅសមត្ថកិច្ចនគរបាលអន្តរាគមន៍ភ្លាមៗ ។ ក្រោយពីត្រូវចាប់ខ្លួន…
ខេត្តកំពង់ស្ពឺ ៖ ជនសង្ស័យក្នុងករណីលួចនិងប្លន់ម៉ូតូចំនួន៤នាក់ បានត្រូវនគរបាលស្រុក
បសេដ្ឋឃាត់ខ្លួនបន្តបន្ទាប់ កាលពីល្ងាចថ្ងៃទី១៥ ខែវិច្ឆិកា ឆ្នាំ២០២៥កន្លងទៅ ក្រោយពីធ្វើសកម្ម
ភាពបន្លំលួចម៉ូតូអ្នកលក់នំប៉ោងបានសម្រេចហើយម្ចាស់បានដាក់ពាក្យបណ្តឹងទៅសមត្ថកិច្ចនគរបាលអន្តរាគមន៍ភ្លាមៗ ។ ក្រោយពីត្រូវចាប់ខ្លួន ក៏ឈានទៅដល់បំបែកសំណុំរឿងថ្មីមួយទៀតគឺកាប់ប្លន់យកម៉ូតូស្គូពីរបស់ជនជាតិចិនកាលពីដើមខែវិច្ឆិកាកន្លងទៅ ។
មន្ត្រីនគរបាលស្រុកបសេដ្ឋនិយាយថា នៅមុនពេលឈានដល់ការឃាត់ខ្លួនក្រុមជនសង្ស័យខាងលើ គឺមានករណីចោរលួចម៉ូតូកាលពីវេលាម៉ោងប្រមាណ៥និង៣០នាទីព្រឹកថ្ងៃទី១៥ ខែវិច្ឆិកា ឆ្នាំ២០២៥ នៅផ្លូវជាតិលេខ៣ ចន្លោះបង្គោលគីឡូម៉ែត្រលេខ៦២-៦៣ ស្ថិតក្នុងភូមិគ្រញូង ឃុំពោធិ៍អង្ក្រង ស្រុកបសេដ្ឋ ។
ក្រោយពីធ្វើការស្រាវជ្រាវ កម្លាំងនគរបាលស្រុកបសេដ្ឋបានឃាត់ខ្លួនជនសង្ស័យម្នាក់ឈ្មោះ សំរឹទ្ធ ឡុង ភេទប្រុស អាយុ៣០ឆ្នាំ មុខរបរមិនពិតប្រាកដ ដែលបានលួចយកម៉ូតូ១គ្រឿង ម៉ាកហុងដា សេ១២៥ ស៊េរីឆ្នាំ២០១៤ ពណ៌ខ្មៅ ពាក់ផ្លាកលេខ តាកែវ ១K-៨១៤៨ ។ ម៉ូតូនេះជារបស់ឈ្មោះ អ៊ូច ចិន្តា ភេទប្រុស អាយុ៤៣ឆ្នាំ រស់នៅក្នុងភូមិព្រៃស្រូល ឃុំពោធិ៍អង្ក្រង ស្រុកបសេដ្ឋ ។
ប្រភពដដែលបន្តថា នៅមុនពេលកើតហេតុជនសង្ស័យម្នាក់បានមកអង្គុយលេងលើម៉ូតូជនរងគ្រោះ ហើយយកម៉ូតូរបស់ខ្លួនមកបញ្ឈរក្បែរ ។ បន្ទាប់មក ជនសង្ស័យបានយកវត្ថុអ្វីម្យ៉ាងមកចាក់សោម៉ូតូជនរងគ្រោះ រួចជិះទៅបាត់ ដោយបន្សល់ទុកម៉ូតូរបស់ខ្លួននៅទីនោះ។
បន្ទាប់មក ទេីបឱ្យបក្ខពួកមកយកតាមក្រោយ ប៉ុន្តែភ្លាមៗនោះ ម្ចាស់ម៉ូតូឈ្មោះ អ៊ូច ចិន្តា បានទូរស័ព្ទរាយការណ៍ទៅសមត្ថកិច្ចសុំឱ្យជួយអន្តរាគមន៍ស្វែងរក ។
ក្រោយពីទទួលបានព័ត៌មាននេះ កម្លាំងនគរបាលបានសហការស្រាវជ្រាវរកឃេីញម៉ូតូ១គ្រឿងម៉ាកហុង សេ១២៥ ពណ៌ខ្មៅ ស៊េរីឆ្នាំ២០១៥ ពាក់ផ្លាកលេខភ្នំពេញ ១CT-៨៣៩៣ របស់ជនសង្ស័យ ដែលបន្សល់ទុកទើបធ្វើការស្រាវជ្រាវនិងឈានដល់ឃាត់ខ្លួនជនសង្ស័យរួមនឹងវត្ថុតាងម៉ូតូជនរងគ្រោះ១គ្រឿងម៉ាក ហុងដា សេ១២៥ ពណ៌ខ្មៅ ពាក់ផ្លាកលេខ តាកែវ ១K-៨១៨៤ ។
មន្ត្រីនគរបាលស្រុកបសេដ្ឋបានបន្ថែមថា យោងតាមចម្លើយរបស់ជនសង្ស័យខាងលើ
នគរបាលក៏បន្ដធ្វើការស្រាវជ្រាវនិងឈានទៅឃាត់ខ្លួនបក្ខពួកចោរប្លន់ម៉ូតូម៉ាកស្គូពីរបស់ជន
ជាតិចិន កាលពីវេលាម៉ោងប្រមាណ១២និង៣០នាទីរំលងអធ្រាត្រឈានចូលថៃ្ងទី៦ ខែវិច្ឆិកា ឆ្នាំ២០២៥កន្លងទៅ ដែលម្ចាស់ម៉ូតូឈ្មោះ ឆោរជិនឆៃ ។
ជាមួយនេះ ក៏បានឃាត់ខ្លួនជនសង្ស័យចំនួន៣នាក់ទៀត ៖
១-ឈ្មោះ នឿន គឹមហួរ ភេទប្រុស អាយុ២៥ឆ្នាំ រស់នៅភូមិត្រណាក់យឹង ឃុំជំរះពេន ស្រុកសំរោង ខេត្តតាកែវ ។
២-ឈ្មោះ ភិន សំរស់ ភេទប្រុស អាយុ២៣ឆ្នាំ រស់នៅភូមិធន់មន្ត ឃុំបឹងត្រាញ់ខាងជើង ស្រុកសំរោង ខេត្តតាកែវ ។
៣-ឈ្មោះ ទូច ចំណាប់ ភេទប្រុស អាយុ២៨ឆ្នាំ រស់នៅក្នុងភូមិធន់មន្ត ឃុំបឹងត្រាញ់ខាងជើង ស្រុកសំរោង ខេត្តតាកែវ ។
ក្រុមជនសង្ស័យត្រូវបានបញ្ជូនទៅអធិការដ្ឋានស្រុកបសេដ្ឋ ដើម្បីបំពេញសំណុំរឿងតាមនីតិវិធី ។ ចំណែកម៉ូតូហុងដា សេ១២៥ របស់ឈ្មោះ អ៊ូច ឡុង ប្រគល់ឲ្យទៅម្ចាស់ ។ រីឯម៉ូតូស្គូពីរបស់ជនជាតិចិន សមត្ថកិច្ចកំពុងធ្វើការស្រាវជ្រាវស្វែងរកបន្តទៀត ៕
ចែករំលែកព័តមាននេះ