រាជធានីភ្នំពេញ ៖ ខណៈប្រជាពលរដ្ឋកំពុងដេកលង់លក់ ស្រាប់តែលឺសំឡេងស្រែកអោយងើប លុះពេលពួកគាត់បានងើបឡើងបើកទ្វារ ស្រាប់តែឃើញអណ្ដាតភ្លើងឆាបឆេះផ្ទះយ៉ាងសន្ធោសន្ធៅ ភ្លាមៗនោះ ប្រជាពលរដ្ឋក៏បានទូរស័ព្ទទៅអាជ្ញាធរសុំការជួយអន្តរាគមន៍ ដើម្បីឱ្យរថយន្តពន្លត់អគ្គិភ័យចុះមកបាញ់ពន្លត់ ។…
រាជធានីភ្នំពេញ ៖ ខណៈប្រជាពលរដ្ឋកំពុងដេកលង់លក់ ស្រាប់តែលឺសំឡេងស្រែកអោយងើប លុះពេលពួកគាត់បានងើបឡើងបើកទ្វារ ស្រាប់តែឃើញអណ្ដាតភ្លើងឆាបឆេះផ្ទះយ៉ាងសន្ធោសន្ធៅ ភ្លាមៗនោះ ប្រជាពលរដ្ឋក៏បានទូរស័ព្ទទៅអាជ្ញាធរសុំការជួយអន្តរាគមន៍ ដើម្បីឱ្យរថយន្តពន្លត់អគ្គិភ័យចុះមកបាញ់ពន្លត់ ។
ហេតុការណ៍ខាងលើនេះ បានបង្កការភ្ញាក់ផ្អើលកើតឡើងកាលពីវេលាម៉ោង៣និង១៥នាទីឈានចូលព្រឹកថ្ងៃទី១៦ វិច្ឆិកា ឆ្នាំ២០២៥ នៅចំណុចក្បែរអង់តែនទួលគោក តាមផ្លូវលំ ក្រុម២ ស្ថិតក្នុងភូមិទួលគោក សង្កាត់ ទួលសង្កែទី១ ខណ្ឌឬស្សីកែវ រាជធានីភ្នំពេញ ។
តាមប្រភពពីប្រជាពលរដ្ឋបានអោយដឹងថា ខណៈពួកគាត់កំពុងដេកលង់លក់ ស្រាប់តែឮសំឡេងផ្អើលថាមានភ្លើងឆេះផ្ទះ ក៏នាំគ្នារត់ចេញមកក្រៅ ស្រាប់តែឃើញអណ្ដាតភ្លើងកំពុងតែឆាបឆេះផ្ទះឈើប្រក់សង្ក័សី និងផ្ទះថ្មប្រក់ដំបូលសង្ក័សី និងបន្ទប់ជួលមួយចំនួន ក៏ត្រូវភ្លើងឆាបឆេះបន្តបន្ទាប់។ ក្រោយឃើញហេតុការណ៍បែបនេះ ពួកគាត់នាំគ្នារាយការណ៍ទៅអាជ្ញាធរឱ្យជួយហៅរថយន្តបង្ការពន្លត់អគ្គីភ័យឱ្យចុះមកជួយអន្តរាគមន៍បាញ់ពន្លត់អណ្ដាតភ្លើងដែលកំពុងឆេះខ្លាំង ។
លោក ហ៊ាង ថារ៉េត អធិការខណ្ឌឬស្សីកែវបានបញ្ជាក់ថា ករណីអគ្គីភ័យឆាបឆេះផ្ទះប្រជាពលរដ្ឋខាងលើ លោកបានដឹកនាំកម្លាំងអោយប៉ុស្តិ៍នគរបាល រួមនឹងសណ្ដាប់ចរាចរណ៍ខណ្ឌ ដើម្បីសម្រួលចរាចរណ៍រថយន្តពន្លត់អគ្គីភ័យចេញចូលបាញ់ពន្លត់ ប៉ុន្តែដោយសារច្រកចូលផ្លូវតូចចង្អៀត ដូច្នេះរថយន្តចតនៅខាងក្រៅច្រើនធ្វើកកស្ទះចរាចរណ៍ កម្លាំងអាជ្ញាធរបានដាក់អោយបញ្ជាចរាចរណ៍វៀងផ្លូវចាន់ពីគល់អង់តែលទួលគោក ។
លោកអធិការខណ្ឌឫស្សីកែវបានបន្តថា ម្ចាស់ផ្ទះកើតហេតុខាងលើឈ្មោះ យឹម ផល្លា ភេទស្រី អាយុ ៦៧ឆ្នាំ មុខរបរនៅផ្ទះ ។ ផ្ទះកើតហេតុជាប្រភេទសំណង់ថ្មក្រោមឈើលើ មានទំហំ៤ម៉ែត្រ x ៦ម៉ែត្រ
ត្រូវភ្លើងឆេះ និងបានបណ្តាលឲ្យឆេះរាលដាលដល់ផ្ទះអ្នកក្បែរខាងអស់ចំនួន៣ខ្នង រួមសំភារះប្រើប្រាស់ប្រចាំថៃ្ងអស់ទាំងស្រុង។ ក្នុងករណីនេះដែរ មិនបណ្តាលឱ្យមនុស្សណាម្នាក់រងគ្រោះថ្នាក់នោះទេ ចំពោះមូលហេតុកំពុងស្រាវជ្រាវ ។
ក្នុងករណីខាងលើ បានប្រើប្រាស់រថយន្តការិល័យបង្ការពន្លត់អគ្គិភ័យចំនួន១៧គ្រឿង ប្រេីប្រាស់ទឹកអស់ចំនួន១៧ឡានស្មើរនឹង៧៥ម៉ែត្រគូប ហើយបានបាញ់ពន្លត់ឱ្យរលត់នៅម៉ោង ៤និង១៥នាទីទៀបភ្លឺនាថ្ងៃខែឆាំ្នដដែល ៕
ចែករំលែកព័តមាននេះ