ខេត្តបន្ទាយមានជ័យ ៖ រថយន្តស្ព័រស៊េរីទំនើប១គ្រឿង បើកបរដោយជនជាតិថៃ បានបុករះតូបលក់អីវ៉ាន់គ្រឿងទេសមួយកន្លែង បណ្តាលឱ្យរងរបួសម្នាក់ កាលពីរសៀលថ្ងៃទី៨ ខែវិច្ឆិកា ឆ្នាំ២០២៥កន្លងទៅ នៅភូមិផ្សារកណ្ដាល…
ខេត្តបន្ទាយមានជ័យ ៖ រថយន្តស្ព័រស៊េរីទំនើប១គ្រឿង បើកបរដោយជនជាតិថៃ បានបុករះតូបលក់អីវ៉ាន់គ្រឿងទេសមួយកន្លែង បណ្តាលឱ្យរងរបួសម្នាក់ កាលពីរសៀលថ្ងៃទី៨ ខែវិច្ឆិកា ឆ្នាំ២០២៥កន្លងទៅ នៅភូមិផ្សារកណ្ដាល សង្កាត់ផ្សារកណ្តាល ក្រុងប៉ោយប៉ែត ។
អ្នកឃើញហេតុការណ៍និយាយថា រថយន្តស្ព័រនេះ ម៉ាកសឺវរ៉ូឡេ ពាក់ផ្លាកលេខ ភ្នំពេញ ២BW-២៧៩៤ បើកបរក្នុងល្បឿនលឿនចេញពីហាងខារ៉ាអូខេមួយ ។ លុះទៅដល់ចំណុចខាង
លើ ស្រាប់តែរេចង្កូតទៅបុកតូបលក់អីវ៉ាន់គ្រឿងទេស១កន្លែងនៅចិញ្ចើមផ្លូវ បណ្តាលឱ្យរងបួសស្ត្រីម្នាក់ជាម្ចាស់តូប និងខូចខាតអីវ៉ាន់ក្នុងតូបស្ទើរទាំងស្រុង ។
ក្រោយពេលមានគ្រោះថ្នាក់កើតឡើង គេឃើញបុរសម្នាក់និងស្ត្រីម្នាក់បើកទ្វាររថយន្តចេញ និងសុទ្ធតែនិយាយភាសាថៃទាំង២នាក់ ហើយនៅពេលអ្នកយកព័ត៌មានទៅថត ក៏ត្រូវជនជាតិចិន៤ទៅ៥នាក់ចេញមកហាម និងដេញចង់ដណ្ដើមយកទូរស័ព្ទពីអ្នកយកព័ត៌មានទៀតផង ក្នុងចេតនាដេញមិនឱ្យថត ។
ភ្លាមៗនោះ គេឃើញមន្ត្រីជំនាញមកដល់ពិនិត្យវាស់វែង ស្រាប់តែជនជាតិថៃទាំង២នាក់ សម្រួលជាមួយម្ចាស់តូបលក់អីវ៉ាន់គ្រឿងទេស ដោយទទួលចេញសងថ្លៃខូចខាត និងព្យាបាលរបួសដើម្បីបញ្ចប់រឿង ។
អ្នកឃើញហេតុការណ៍បញ្ជាក់ថា មូលហេតុដែលនាំឲ្យមានគ្រោះថ្នាក់កើតឡើង គឺអាចមកពីអ្នកបើកបរស្រវឹង និងឈ្លោះប្រកែកគ្នាពេលកំពុងធ្វើដំណើរ ក៏អាចទាញដៃចង្កូតបណ្ដាលឲ្យរេចង្កូតបង្កការបុករះតែម្តង ៕
ចែករំលែកព័តមាននេះ