ខេត្តព្រះវិហារ ៖ នៅថ្ងៃទី១១ ខែវិច្ឆិកា ឆ្នាំ២០២៥ ក្រុមការងារនៃមន្ទីរសាធារណការ និងដឹកជញ្ជូនខេត្តព្រះវិហារបានបន្តសកម្មភាពថែទាំជាប្រចាំ ដោយចុះកាត់ស្មៅ និងសម្អាតរុក្ខជាតិដែលដុះលើចំណីផ្លូវ Right-of-Wayនៅតាមបណ្ដោយ…
ខេត្តព្រះវិហារ ៖ នៅថ្ងៃទី១១ ខែវិច្ឆិកា ឆ្នាំ២០២៥ ក្រុមការងារនៃមន្ទីរសាធារណការ និងដឹកជញ្ជូនខេត្តព្រះវិហារបានបន្តសកម្មភាពថែទាំជាប្រចាំ ដោយចុះកាត់ស្មៅ និងសម្អាតរុក្ខជាតិដែលដុះលើចំណីផ្លូវ Right-of-Wayនៅតាមបណ្ដោយ ផ្លូវជាតិលេខ៦២។
សកម្មភាពនេះ បានផ្តោតលើកំណាត់ផ្លូវដែលមានប្រវែងសរុប១៥៥.៤៦គីឡូម៉ែត្រ (ចាប់ពីគ.ម ៨២+៣០០ ដល់គ.ម ២៣៧+៧៦០)។ តំបន់ដែលត្រូវសម្អាតលាតសន្ធឹងពីភូមិអូរទ្រលោក ឃុំរមទម ស្រុករវៀង រហូតដល់ជើងភ្នំប្រាសាទព្រះវិហារ ក្នុងភូមិសាស្ត្រស្រុកជាំក្សាន្ត ។
រុក្ខជាតិដែលដុះនៅសងខាងផ្លូវ ត្រូវបានគេមើលឃើញថា អាចជាមូលហេតុបង្កគ្រោះថ្នាក់ចរាចរណ៍ជាយថាហេតុ ។ ដូច្នេះ ការចុះអនុវត្តការងារនេះ គឺមានគោលបំណងសំខាន់ពីរ៖សម្រួលដល់ការធ្វើដំណើររបស់ប្រជាពលរដ្ឋ និងកាត់បន្ថយហានិភ័យនៃគ្រោះថ្នាក់ចរាចរណ៍ដែលបណ្ដាលមកពីការបាំងផ្លូវ ឬការរំលោភចូលផ្លូវ៕
ចែករំលែកព័តមាននេះ