រាជធានីភ្នំពេញ ៖ ក្មេងទំនើងក្រុមឈូកវ៉ា១ ត្រូវបានកម្លាំងនគរបាលការិយាល័យនគរបាលព្រហ្មទណ្ឌកំរិតស្រាលនៃស្នងការដ្ឋានគរបាលរាជធានីភ្នំពេញស្រាវជ្រាវឃាត់ខ្លួនបានចំនួន៤នាក់ក្នុងករណីបង្កហិង្សាដោយចេតនាមានស្ថានទំនង់ទោស បណ្តាលអោយជនរងគ្រោះម្នាក់ស្លាប់ (បើកម៉ូតូបុកបង្គោលភ្លើង) និងរងបួសធ្ងន់ ។ ជនសង្ស័យទាំង៤នាក់ ១-ឈ្មោះ…
រាជធានីភ្នំពេញ ៖ ក្មេងទំនើងក្រុមឈូកវ៉ា១ ត្រូវបានកម្លាំងនគរបាលការិយាល័យនគរបាលព្រហ្មទណ្ឌកំរិតស្រាលនៃស្នងការដ្ឋានគរបាលរាជធានីភ្នំពេញស្រាវជ្រាវឃាត់ខ្លួនបានចំនួន៤នាក់ក្នុងករណីបង្កហិង្សាដោយចេតនាមានស្ថានទំនង់ទោស បណ្តាលអោយជនរងគ្រោះម្នាក់ស្លាប់ (បើកម៉ូតូបុកបង្គោលភ្លើង) និងរងបួសធ្ងន់ ។
ជនសង្ស័យទាំង៤នាក់ ១-ឈ្មោះ ម៉ុន សុបញ្ញា ហៅញ៉ា ភេទប្រុស អាយុ១៨ឆ្នាំ ,២-ឈ្មោះ ថា ដារិទ្ធ ហៅចិន ភេទប្រុស អាយុ១៧ឆ្នាំ, ៣-ឈ្មោះ ឆេង សុភារៈយុទ្ធ ហៅ យុទ្ធ ភេទប្រុស អាយុ១៩ឆ្នាំ និង៤-ឈ្មោះ ហ៊ន ឈិនទ្បុង ហៅ ទ្បុង ភេទប្រុស អាយុ១៨ឆ្នាំ ។
តាមលោកវរសេនីយ៍ឯក ម៉ម សាវន ប្រធានការិយាល័យនគរបាលព្រហ្មទណ្ឌកំរិតស្រាល នៃស្នងការដ្ឋានគរបាលរាជធានីភ្នំពេញបានអោយដឹងថា ដោយអនុវត្តតាមបទបញ្ជាផ្ទាល់របស់ឯកឧត្ដមឧត្តមសេនីយ៍ ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញនិង ក្រោមការបញ្ជារពីលោកស្នងការរង ប៊ុន សត្យា ទទួលផែនការងារព្រហ្មទណ្ឌ រាជធានីភ្នំពេញ នៅថ្ងៃទី០៩ខែ វិច្ឆកា ឆ្នាំ២០២៥ កម្លាំងនគរបាលព្រហ្មទណ្ឌកំរិតស្រាលបានដឹកនាំកម្លាំងសហការជាមួយនគរបាលជំនាញព្រហ្មទណ្ឌខណ្ឌទួលគោកចុះស្រាវជ្រាវឃាត់ខ្លួនជនសង្ស័យចំនួន៤នាក់ និងដកហូតបាន កាំបិតប៉័ងតោ (ធ្វើសកម្មភាពកាប់ជនរងគ្រោះ) ២ដើម និងស្លាកលេខម៉ូតូ១សន្លឹក ។
លោកវរសេនីយ៍ឯក ម៉ម សាវន បានអោយដឹងទៀតថា ជនសង្ស័យជាក្រុមក្មេងទំនើងក្រុមឈូកវ៉ា១ ដែលបង្កហិង្សាចំនួន២ករណី បណ្តាលអោយជនរងគ្រោះមរណៈភាព និងរងរបួសធ្ងន់ ។
ករណីទី១-ហិង្សាដោយចេតនាមានស្ងានទម្ងន់ទោស បណ្តាលជនរងគ្រោះម្នាក់ទទួលមរណៈភាព(ស្លាប់) និងម្នាក់ទៀតរងរបួសធ្ងន់ នៅចំណុចស្ពានអាកាសតិចណូ ផ្លូវសហព័ន្ធរុស្សី សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ កាលវេលាម៉ោងប្រហែល៣និង០៥នាទី ថ្ងៃទី១៧ ខែសីហាឆ្នាំ ២០២៥។
ករណីទី២-ហិង្សាដោយចេតនាមានស្ងានទម្ងន់ទោស (កាប់ប្លន់យកស្លាកលេខម៉ូតូ ) និងបណ្តាលអោយរងរបួស នៅចំណុចវត្តជុំផ្លូវលេខ២០១១ សង្កាត់គោករកា ខណ្ឌព្រែកព្នៅ រាជធានីភ្នំពេញ វេលាម៉ោងប្រហែល៣និង១៥នាទី ថ្ងៃទី១៩ ខែតុលាឆ្នាំ ២០២៥។
តាមនគរបាលបានអោយដឹងទៀតថា ជនសង្ស័យមានបក្សពួកជាច្រើននាក់ ដែលនៅសេសសល់នគរបាលនឹងបន្តស្រាវជ្រាវបង្ក្រាបឲ្យដល់ឬសគល់ដោយមិនយោគយល់នោះឡើយ។
បច្ចុប្បន្ន ជនសង្ស័យ និងវត្ថុតាងខាងលើ កម្លាំងជំនាញការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី ៕
ចែករំលែកព័តមាននេះ