ខេត្តសៀមរាប ៖ កម្លាំងកងរាជអាវុធហត្ថខេត្តសៀមរាប បានទទួលបណ្តឹងផ្ទាល់មាត់ពីប្រជាពលរដ្ឋតាមរយៈទូរស័ព្ទបន្ទាន់លេខ ១២៩៦ ដើម្បីសុំកិច្ចអន្តរាគមន៍លើករណីបាត់ម៉ូតូ ។ ពេលនោះកម្លាំងជំនាញបានចុះស្រាវជ្រាវ រហូតដល់ឈានធ្វើការឃាត់ខ្លួនជនសង្ស័យចំនួន៥នាក់ បានជាបន្តបន្ទាប់…
ខេត្តសៀមរាប ៖ កម្លាំងកងរាជអាវុធហត្ថខេត្តសៀមរាប បានទទួលបណ្តឹងផ្ទាល់មាត់ពីប្រជាពលរដ្ឋតាមរយៈទូរស័ព្ទបន្ទាន់លេខ ១២៩៦ ដើម្បីសុំកិច្ចអន្តរាគមន៍លើករណីបាត់ម៉ូតូ ។ ពេលនោះកម្លាំងជំនាញបានចុះស្រាវជ្រាវ រហូតដល់ឈានធ្វើការឃាត់ខ្លួនជនសង្ស័យចំនួន៥នាក់ បានជាបន្តបន្ទាប់ រួចយកមកសួរនាំ ។
ការឃាត់ខ្លួនជនសង្ស័យចំនួន៥នាក់ជាបន្តបន្ទាប់នោះធ្វើឡើងនៅយប់ ថ្ងៃទី៧ ខែវិច្ឆិកា ឆ្នាំ២០២៥ នៅទីតាំង២ផ្សេងគ្នា ដែលទីតាំងទីមួយស្ថិតនៅចំណុចភូមិអញ្ចាញ សង្កាត់នគរធំ ក្រុងសៀមរាប ខេត្តសៀមរាប និងនៅព្រឹកថ្ងៃទី៨ ខែវិច្ឆិកា ២០២៥ កម្លាំងជំនាញបន្តឃាត់ខ្លួនបក្ខពួកបានម្នាក់ទៀតនៅចំណុចភូមិវាល សង្កាត់ជ្រាវ ក្រុងសៀមរាប ខេត្តសៀមរាប ។
មន្ត្រីកងរាជអាវុធហត្ថខេត្តបានប្រាប់ឱ្យដឹងនៅថ្ងៃទី៩ ខែវិច្ឆិកា ២០២៥ថា បន្ទាប់ពីទទួលបានបណ្ដឹងភ្លាម កម្លាំងជំនាញកងរាជអាវុធហត្ថខេត្តសៀមរាប បានចុះធ្វើការស្រាវជ្រាវរហូតនៅវេលាម៉ោង២០និង៣០នាទី ថ្ងៃទី៧ ខែវិច្ឆិកា ឆ្នាំ២០២៥ ទើបឈានដល់ធ្វើការកំណត់មុខសញ្ញាដែលជនសង្ស័យធ្វើសកម្មភាពលួចម៉ូតូយ៉ាងសកម្ម និងឃាត់ខ្លួនបានចំនួន៤នាក់ នៅចំណុចភូមិអញ្ចាញ សង្កាត់នគរធំ ក្រុងសៀមរាប ខេត្តសៀមរាប ។ លុះដល់ព្រឹកថ្ងៃទី៨ ខែវិច្ឆិកា ឆ្នាំ២០២៥ កម្លាំងជំនាញបន្តឃាត់ខ្លួនបក្ខពួកបានម្នាក់ទៀត នៅចំណុចភូមិវាល សង្កាត់ជ្រាវ ក្រុងសៀមរាប ខេត្តសៀមរាប ។
មន្ត្រីជំនាញបញ្ជាក់ថា ក្រោយសួរនាំរួច ជនសង្ស័យទាំង៥នាក់ខាងលើ បានសារភាពដូចៗគ្នាថា ពួកខ្លួនពិតបានធ្វើសកម្មភាពលួចម៉ូតូចំនួន២លើក ពិតប្រាកដមែន ដោយលើកទី១ ក្នុងអំឡុងខែតុលា ឆ្នាំ២០២៥ បានធ្វើសកម្មភាពលួចម៉ូតូនៅសង្កាត់ក្របីរៀល និងលើកទី២ លួចនៅហាងស៊ប់អន្ទង់ ភូមិជន្លង់ សង្កាត់សាលាកំរើក ក្រុងសៀមរាប ខេត្តសៀមរាប ។
បច្ចុប្បន្ន ជនសង្ស័យទាំង៥នាក់ខាងលើ ត្រូវបានកម្លាំងការិយាល័យជំនាញកងរាជអាវុធហត្ថខេត្តសៀមរាប កសាងសំណុំរឿងបញ្ជូនទៅសាលាដំបូងខេត្តសៀមរាប នៅវេលាម៉ោងប្រមាណ៩ព្រឹក ថ្ងៃទី៩ ខែវិច្ឆិកា ឆ្នាំ២០២៥ ដើម្បីចាត់ការតាមនីតិវិធី ។
សូមបញ្ជាក់ថា លោកឧត្តមសេនីយ៍ត្រីមេបញ្ជាការកងអាវុធហត្ថខេត្តសៀមរាប សូមអំពាវនាវដល់មហាជនមេត្តាប្រុងប្រយ័ត្នចំពោះទ្រព្យសម្បត្តិមានតម្លៃផ្សេងៗ ជាពិសេសករណីទុកម៉ូតូចោលដោយធ្វេសប្រហែស ដែលធ្វើឱ្យជនឆ្លៀតឱកាស ធ្វើសកម្មភាពលួចយកទៅបាត់ដោយសុវត្ថិ
ភាព ៕
ចែករំលែកព័តមាននេះ