រាជធានីភ្នំពេញ ៖ ខណៈមានធ្លាក់ភ្លៀងលាយឡំដោយខ្យល់កន្ត្រាក់១ប្រាវ បណ្តាលឱ្យបាក់រលំដើមក្ងោក១ដើម សង្កត់លើរថយន្តតូយ៉ូតាព្រូស១គ្រឿង ដែលចតនៅចិញ្ចើមផ្លូវ បណ្ដាលឲ្យខូចខាត និងកកស្ទះចរាចរណ៍យ៉ាងខ្លាំង ។ ករណីនេះ…
រាជធានីភ្នំពេញ ៖ ខណៈមានធ្លាក់ភ្លៀងលាយឡំដោយខ្យល់កន្ត្រាក់១ប្រាវ បណ្តាលឱ្យបាក់រលំដើមក្ងោក១ដើម សង្កត់លើរថយន្តតូយ៉ូតាព្រូស១គ្រឿង ដែលចតនៅចិញ្ចើមផ្លូវ បណ្ដាលឲ្យខូចខាត និងកកស្ទះចរាចរណ៍យ៉ាងខ្លាំង ។
ករណីនេះ កើតឡើងកាលពីវេលាម៉ោងប្រមាណ៥និង៣០នាទីល្ងាចថ្ងៃទី៣ ខែធ្នូ ឆ្នាំ២០២៥ នៅតាមមហាវិថីព្រះសីហនុ ក្នុងភូមិ៤ សង្កាត់ទន្លេបាសាក់ ខណ្ឌចំការមន ។
ប្រភពព័ត៌មានបានឲ្យដឹងថា មុនកើតហេតុ ស្ត្រីម្នាក់បានបើករថយន្តតូយ៉ូតាព្រូសខាងលើ ពណ៌ស មកចតនៅចិញ្ចើមផ្លូវ រួចហើយដើរហាត់ប្រាណនៅក្បែរនោះ ។ លុះមួយសន្ទុះ ក្រោយមក ស្រាប់តែមានភ្លៀងធ្លាក់លាយឡំដោយខ្យល់កន្ត្រាក់ផង ធ្វើឲ្យបាក់ដើមក្ងោកមួយដើមសង្កត់លើរថយន្តព្រូសខាងលើ បែកកញ្ចក់ខាងក្រោយ និងដំបូលខូចខាតយ៉ាងដំណំ ព្រមទាំងធ្វើឲ្យកកស្ទះចរាចរណ៍ផងដែរ ។
បន្ទាប់ពីមានករណីខាងលើកើតឡើង អាជ្ញាធរបានទៅអន្តរាគមន៍យកម៉ាស៊ីនត្រង់សឺន័រកាត់ដើមក្ងោកយកចេញពីលើរថយន្ត និងយកចេញពីផ្លូវកុំឲ្យកកស្ទះចរាចរណ៍ ។ ចំណែករថយន្តដែលខូចខាត ត្រូវបានម្ចាស់យកទៅជួសជុលដោយខ្លួនឯង ៕
ចែករំលែកព័តមាននេះ