សង្គ្រាមអ៊ុយក្រែន ៖ ប្រធានាធិបតីអាមេរិក លោកដូណាល់ត្រាំ អះអាងនាថ្ងៃទី៣ ធ្នូ ថា លោកវ្ល៉ាឌីមៀរ ពូទីន ចង់បញ្ចប់សង្គ្រាមនៅអ៊ុយក្រែន…
សង្គ្រាមអ៊ុយក្រែន ៖ ប្រធានាធិបតីអាមេរិក លោកដូណាល់ត្រាំ អះអាងនាថ្ងៃទី៣ ធ្នូ ថា លោកវ្ល៉ាឌីមៀរ ពូទីន ចង់បញ្ចប់សង្គ្រាមនៅអ៊ុយក្រែន ។
តាមលោកត្រាំថា ការជួបពិភាក្សាគ្នារវាងបេសកជនពិសេស គឺលោកSTEVE WITKOFF និងកូនប្រសារលោកJARED KUSHER ជាមួយប្រធានាធិបតីរុស្ស៊ី លោកវ្ល៉ាឌីមៀរ ពូទីន ស្ដីពីសង្គ្រាមនៅអ៊ុយក្រែន ជាការពិភាក្សាគ្នាដ៏ល្អបំផុតតែលោកមិនបានបញ្ជាក់ច្បាស់ឡើយ ។
ពេលដែលរុស្ស៊ី និងអ៊ុយក្រែនចាប់ផ្ដើមសប្ដាហ៍ទី២នៃការពិភាក្សាគ្នា ដើម្បីតាក់តែងកិច្ចព្រមព្រៀងសន្តិភាពបញ្ចប់ជម្លោះដោយអាវុធ លោកត្រាំដែលជាឯកអគ្គរដ្ឋទូតសន្តិភាព ចាប់តាំងពីច្រើនខែមកហើយ រវាងប្រទេសទាំង២អះអាងថា លោកពូទីនចង់បញ្ចប់សង្គ្រាមជាមួយក្រុងគៀវ ។
ចំណែកការស្ទាបស្ទង់មតិមួយចេញផ្សាយ កាលពីថ្ងៃទី៣ ធ្នូ បង្ហាញថា ពលរដ្ឋអ៊ុយក្រែន ជាងពាក់កណ្ដាលនិយាយថា ត្រៀមធ្វើបាតុកម្មប្រសិនបើប្រទេសពួកគេព្រមទទួលយក ការធ្វើសម្បទានដែនដីដែលមិនអាចទទួលយកបាន អំឡុងពេលនៃការចរចាសន្តិភាពដែលកំពុងធ្វើជាមួយក្រុងម៉ូស្គូ ។
ការស្ទាបស្ទង់មតិនោះ ដែលធ្វើពីថ្ងៃទី៥ ទៅថ្ងៃទី២៦ វិច្ឆិកា លើមនុស្សជាង១០០០នាក់បង្ហាញថា ក្នុងចំណោមមនុស្សទាំងនេះ ៥១,៤%និយាយថា ត្រៀមចេញធ្វើបាតុកម្ម ប្រសិនបើអាជ្ញាធរអ៊ុយក្រែនព្រមធ្វើសម្បទានដែលមិនអាចទទួលយកបាន ។ ផ្ទុយទៅវិញមនុស្ស៤៤,៣% គូសបញ្ជាក់ថាមិនមានបំណងធ្វើបាតុកម្មឡើយ ៕
ចែករំលែកព័តមាននេះ