រាជធានីភ្នំពេញ ៖ ដើម្បីពង្រឹងសន្តិសុខ សណ្តាប់ធ្នាប់ និងសុវត្ថិភាពសង្គម ព្រមទាំងធានាបាននូវការអនុវត្តច្បាប់ឱ្យមានប្រសិទ្ធភាពក្នុងមូលដ្ឋាន នៅវេលាម៉ោង១៩:៣០នាទីយប់ ថ្ងៃទី០៣ ខែធ្នូ ឆ្នាំ២០២៥…
រាជធានីភ្នំពេញ ៖ ដើម្បីពង្រឹងសន្តិសុខ សណ្តាប់ធ្នាប់ និងសុវត្ថិភាពសង្គម ព្រមទាំងធានាបាននូវការអនុវត្តច្បាប់ឱ្យមានប្រសិទ្ធភាពក្នុងមូលដ្ឋាន នៅវេលាម៉ោង១៩:៣០នាទីយប់ ថ្ងៃទី០៣ ខែធ្នូ ឆ្នាំ២០២៥ គណៈបញ្ជាការឯកភាពរដ្ឋបាលខណ្ឌពោធិ៍សែនជ័យ ដឹកនាំដោយ លោក ផុន សុផាន អភិបាលរងខណ្ឌ បានបើកប្រតិបត្តិការចុះត្រួតពិនិត្យ និងណែនាំផ្ទាល់ដល់ទីតាំងអាជីវកម្មចំនួន ០២កន្លែង ។
ជាក់ស្តែង រដ្ឋបាលខណ្ឌពោធិ៍សែនជ័យ បានប្រកាសនាយប់ថ្ងៃទី០៣ ខែធ្នូនេះថា ៖ លោកផុន សុផាន អភិបាលរងខណ្ឌ បានដឹកនាំគណៈបញ្ជាការឯកភាពរដ្ឋបាលខណ្ឌ ចុះត្រួតពិនិត្យ និងណែនាំទីតាំងអាជីវកម្មចំនួន០២ទីតាំង នាវេលាម៉ោង១៩:៣០នាទីយប់ថ្ងៃទី៣ ខែធ្នូ ឆ្នាំ២០២៥ ។
រដ្ឋបាលខណ្ឌពោធិ៍សែនជ័យ បានបញ្ជាក់ថា ទីតាំងទាំងនោះរួមមាន ៖
១.ទីតាំងអាជីវកម្មក្លឹបឌីស្កូតែ នាមករណ៍ ក្លឹបកម្សាន្ដ X-ZOOM ស្ថិតនៅមហាវិថីចោមចៅ ភូមិជ្រៃកោង សង្កាត់ចោមចៅទី២ ។
២.ទីតាំងអាជីវកម្មភោជនីយដ្ឋាន នាមករណ៍ HOKI ស្ថិតនៅមហាវិថីចោមចៅ ភូមិជ្រៃកោង សង្កាត់ចោមចៅទី២ ។
ក្រុមការងារបានធ្វើការណែនាំដូចខាងក្រោម ៖
-ត្រូវស្នើសុំច្បាប់អនុញ្ញាតប្រកបអាជីវកម្មឲ្យបានត្រឹមត្រូវ
-ហាមជួញដូរ និងប្រើប្រាស់គ្រឿងញៀ.នគ្រប់ប្រភេទ
-ហាមមិនឲ្យប្រើប្រាស់បារីអេឡិចត្រូនិចគ្រប់ប្រភេទ
-ត្រូវរៀបចំច្រកសុវត្ថិភាព (ច្រកអាសន្ន) ឲ្យបានត្រឹមត្រូវ
-ត្រូវចូលរួមសហការជាមួយអាជ្ញាធរមូលដ្ឋាន
សូមរំលឹកថា រដ្ឋបាលខណ្ឌពោធិ៍សែនជ័យ បានបញ្ជាក់ថា ការចុះណែនាំនេះ គឺជាជំហានដំបូង ហើយអាជ្ញាធរនឹងបន្តតាមដានការអនុវត្តរបស់ទីតាំងទាំងនោះ ។ ប្រសិនបើម្ចាស់អាជីវកម្មមិនគោរពតាមការណែនាំទេ អាជ្ញាធរនឹងមានវិធានការរដ្ឋបាល ឬវិធានការច្បាប់បន្តបន្ទាប់ទៀត ៕
ចែករំលែកព័តមាននេះ