ប្រទេសរុស្ស៊ី ៖ ក្រោយពីបាត់មុខនៅលើឆាកសាធារណៈចាប់តាំងពីដំណាច់ខែតុលាមក វិមានក្រឹមឡាំង ប៉ុនប៉ង់លុបបំបាត់ចោលវិញបណ្ដាពាក្យចចាមអារ៉ាម ជុំវិញរដ្ឋមន្ត្រីការបរទេសលោកស័រហ្គេយឡាវរ៉ូវ ។ ការបាត់មុខជាសាធារណៈនេះរបស់លោកឡាវរ៉ូវ នាំឲ្យមានពាក្យចចាមអារ៉ាមពីការដកលោកចេញពីតំណែង បន្ទាប់ពីបរាជ័យក្នុងការរៀបចំជាមួយសមភាគីអាមេរិក…
ប្រទេសរុស្ស៊ី ៖ ក្រោយពីបាត់មុខនៅលើឆាកសាធារណៈចាប់តាំងពីដំណាច់ខែតុលាមក វិមានក្រឹមឡាំង ប៉ុនប៉ង់លុបបំបាត់ចោលវិញបណ្ដាពាក្យចចាមអារ៉ាម ជុំវិញរដ្ឋមន្ត្រីការបរទេសលោក
ស័រហ្គេយឡាវរ៉ូវ ។
ការបាត់មុខជាសាធារណៈនេះរបស់លោកឡាវរ៉ូវ នាំឲ្យមានពាក្យចចាមអារ៉ាមពីការដកលោកចេញពីតំណែង បន្ទាប់ពីបរាជ័យក្នុងការរៀបចំជាមួយសមភាគីអាមេរិក ការជួបគ្នាកំពូលមួយរវាងលោកវ្ល៉ាឌីមៀរពូទីននិងលោកដូណាល់ត្រាំនៅក្រុងប៊ូដាប៉េស្តហុងគ្រី។ ការជួបគ្នាកំពូលនោះទីបំផុតត្រូវបានពន្យារពេលដោយគ្មានកាលកំណត់មួយ។
ប្រឈមមុខនឹងការជជីកសួរពីរឿងនោះអ្នកនាំពាក្យវិមានក្រឹមឡាំងលោកឌីមីទ្រីប៉េស្កូវអះអាងនាថ្ងៃទី១០ វិច្ឆិកា ថា អ្វីៗដំណើរការល្អជាមួយប្រមុខការទូតរុស្ស៊ី ។ លោកឡាវរ៉ូវកំពុងបន្តធ្វើការដោយសកម្ម ។ លោកចាត់ទុកថា ខុសទាំងស្រុងពាក្យចចាមអារ៉ាម ចេញផ្សាយដោយសារព័ត៌មានបរទេសជាច្រើន។ ពេលមានព្រឹត្តិការណ៍សាធារណៈនានា នោះលោកអ្នកនឹងឃើញវត្តមានលោកឡាវរ៉ូវហើយ។
ការលេចពាក្យចចាមអារ៉ាមពីលោកឡាវរ៉ូវកើតមានពេលមានភាពតានតឹងខ្លាំង រវាងក្រុងវ៉ាស៊ីនតោន និងក្រុងមូស្គូ។ កាលពីដំណាច់ខែតុលា ប្រធានាធិបតីអាមេរិកលោកដូណាល់ត្រាំ បានលុបចោលវិញការជួបគ្នារបស់លោកគ្រោងធ្វើនៅក្រុងប៊ូដាប៉េស្ត ជាមួយសមភាគីរុស្ស៊ី លោកវ្ល៉ាឌីមៀរពូទីន ដោយពន្យល់ថាលែងចង់ជួបគ្នាដោយអត់ប្រយោជន៍ឡើយ ៕
ចែករំលែកព័តមាននេះ