ខេត្តបន្ទាយមានជ័យ ៖ ក្រុងសិរីសោភ័ណទទួលបានអំណោយពីរាជរដ្ឋាភិបាលកម្ពុជាមានស្ពានបេតុងឆ្លងស្ទឹងសិរីសោភ័ណចំនួន៤កន្លែងឃើញមន្ត្រីជាន់ខ្ពស់ក្រសួងអភិវឌ្ឍន៍ជនបទចុះពិនិត្យកាលថ្មីៗនេះស្ថិតភូមិបី សង្កាត់ព្រៈពន្លា ក្រុងសិរីសោភ័ណ។
លោក ជា យុទ្ធារុណ ប្រធានមន្ទីអភិវឌ្ឍន៍ជនបទខេត្តបន្ទាយមានជ័យបានប្រាប់ថា៖ស្ពានឆ្លងស្ទឹងសិរីសោភ័ណកាលពីមុនបានស្ពានឈើចាស់ដោយសភាពទ្រុឌទ្រោមហើយត្រូវបានដាក់ដោយទឹកជំនន់ ដោយឃើញពីការលំបាកសម្តេចអគ្គមហាសេនាបតីតេជោ ហ៊ុន សែន អតីតៈនាយករដ្ឋមន្ត្រីនៃព្រៈរាជាណាចក្រកម្ពុជានិងបច្ចុប្បន្នជាប្រធានព្រឹទ្ធសភាបានផ្តល់ជាអំណោយស្ពានបេតុងឆ្លងស្ទឹងសិរីសោភ័ណ។
លោកបានបញ្ជាក់ថា៖ស្ពានបេតុងដែលឆ្លងស្ទឹងសិរីសោភ័ណគម្រោងសាងសង់ក្រសួងអភិវឌ្ឍន៍ជនបទនិងស្ថាបនាដោយនាយកដ្ឋានផ្លូវលំជនបទ ដែលមានប្រវែង៩០ម៉ែត្រនិងទទឹង១០ម៉ែត្រនិងស្ថាបនាផ្លូវបេតុងតភ្ជាប់ក្បាលស្ពានសងខាងប្រវែង២០៩ម៉ែត្រនិងទទឹង១០ម៉ែត្រកម្រាស់២តឹកចំណុចភូមិបីតភ្ជាប់ទៅភូមិព្រៃឫស្សី សង្កាត់ព្រៈពន្លា ក្រុងសិរីសោភ័ណត្រូវបានកសាងរួចរាល់និងដាក់ដំណើរ។
ឯកឧត្តម ប៊ុន ចាន់វណ្ណៈ រដ្ឋលេខាធិការក្រសួងអភិវឌ្ឍន៍ជនបទបានបញ្ជាក់ថា៖ក្រុងសិរីសោភ័ណទទួលបានអំណោយពីរាជរដ្ឋាភិបាលកម្ពុជាមានស្ពានបេតុងឆ្លងស្ទឹងសិរីសោភ័ណចំនួន៤កន្លែងមាន១.ស្ពានស្ថិតភូមិ.សង្កាត់អូរអំពិល ២.ស្ពានឆ្លងផ្សាររាត្រីពីភូមិបីទៅភូមិព្រៃឫស្សី ៣.ស្ពានពីភូមិព្រៃឫស្សីតភ្ជាប់ភូមិចក ៤.ស្ពានស្ថិតភូមិបីតភ្ជាប់ទៅភូមិព្រៃឫស្សី ស្ពានបេតុងទាំង៤នេះជាអំណោយរាជរដ្ឋាភិបាលកម្ពុជាដើម្បីជួយដល់ប្រជាពលរដ្ឋសម្រាប់ឆ្លងកាត់និងដឹកកសិផលដែលជាចរន្តសេដ្ឋកិច្ចដ៍សំខាន់៕
ចែករំលែកព័តមាននេះ