របាយការណ៍មួយពីអគ្គនាយកដ្ឋានគយ និងរដ្ឋាករដែលចេញផ្សាយ កាលពីថ្ងៃទី១០ ខែវិច្ឆិកា បាននិយាយថា កម្ពុជាបាននាំចេញផលិតផលដែលមានតម្លៃ២៤,៩៤ពាន់លានដុល្លារ ក្នុងរយៈពេល១០ខែដំបូងនៃឆ្នាំ២០២៥ កើនឡើង១៥,២ភាគរយធៀបនឹងឆ្នាំមុន។ របាយការណ៍នេះ បាននិយាយថា…
របាយការណ៍មួយពីអគ្គនាយកដ្ឋានគយ និងរដ្ឋាករដែលចេញផ្សាយ កាលពីថ្ងៃទី១០ ខែវិច្ឆិកា បាននិយាយថា កម្ពុជាបាននាំចេញផលិតផលដែលមានតម្លៃ២៤,៩៤ពាន់លានដុល្លារ ក្នុងរយៈពេល១០ខែដំបូងនៃឆ្នាំ២០២៥ កើនឡើង១៥,២ភាគរយធៀបនឹងឆ្នាំមុន។
របាយការណ៍នេះ បាននិយាយថា គោលដៅនាំចេញកំពូលទាំង៥ របស់កម្ពុជា គឺសហរដ្ឋអាមេរិក វៀតណាម ចិន ជប៉ុន និងកាណាដា។
របាយការណ៍បានបន្ថែមថា ផលិតផលនាំចេញសំខាន់ៗរួមមាន សម្លៀកបំពាក់ ស្បែកជើង កាបូប សម្ភារធ្វើដំណើរ កង់ សំបកកង់រថយន្ត និងផលិតផលកសិកម្មដែលមានសក្តានុពលដូចជា អង្ករ កៅស៊ូ ដំឡូងមី គ្រាប់ស្វាយចន្ទី ចេក ស្វាយ និងផ្លែមៀន។
ទន្ទឹមនឹងនេះ កម្ពុជាក៏បាននាំចូលសរុបចំនួន២៧,៦៣ពាន់លានដុល្លារក្នុងអំឡុងពេលខែមករាដល់ខែតុលាឆ្នាំនេះ កើនឡើង១៧,៧ភាគរយ បើប្រៀបធៀបទៅនឹងរយៈពេលដូចគ្នាកាលពីឆ្នាំមុន។
ក្រសួងបានបន្ថែមថា ទំនិញនាំចូលសំខាន់ៗរួមមាន ប្រេង និងឧស្ម័ន វត្ថុធាតុដើមសម្រាប់សម្លៀកបំពាក់ ស្បែកជើង កាបូប និងសម្ភារៈធ្វើដំណើរ យានយន្ត គ្រឿងចក្រ ឧបករណ៍អេឡិចត្រូនិក ផលិតផលឱសថ និងទំនិញប្រើប្រាស់។ល។
ចែករំលែកព័តមាននេះ