ខេត្តបន្ទាយមានជ័យ ៖ ប្រជាកសិករប្រមូលផលស្រូវស្រាលបានប្រមាណ៤៥ភាគរយហើយ រហូតដល់ថ្ងៃទី០៩ ខែវិច្ឆិការ ឆ្នាំ២០២៥នៅខេត្តបន្ទាយមានជ័យ។ លោក ប៉ាង វណ្ណាសេដ្ឋ ប្រធានមន្ទីកសិកម្មរុក្ខាប្រម៉ាញ់និងនេសាទខេត្តបន្ទាយមានជ័យប្រាប់ថា៖នៅខេត្តបន្ទាយមានជ័យប្រជាកសិករប្រមូលផលស្រូវស្រាលបានប្រមាណ៤៥…
ខេត្តបន្ទាយមានជ័យ ៖ ប្រជាកសិករប្រមូលផលស្រូវស្រាលបានប្រមាណ៤៥ភាគរយហើយ រហូតដល់ថ្ងៃទី០៩ ខែវិច្ឆិការ ឆ្នាំ២០២៥នៅខេត្តបន្ទាយមានជ័យ។
លោក ប៉ាង វណ្ណាសេដ្ឋ ប្រធានមន្ទីកសិកម្មរុក្ខាប្រម៉ាញ់និងនេសាទខេត្តបន្ទាយមានជ័យប្រាប់ថា៖នៅខេត្តបន្ទាយមានជ័យប្រជាកសិករប្រមូលផលស្រូវស្រាលបានប្រមាណ៤៥ ភាគរយហើយមានប្រភេទស្រូវ ផ្ការំដួល ផ្កាម្លិះ ផ្ការមៀត ឆ្នាំនេះទទួលផលជាមធ្យមក្នុង១ហិកតា៣ទៅ៤តោនដែលប្រជាកសិករបង្កបង្កើន ផលនៅតំបន់ដឺជាប់ជាយដែនមានស្រុកម៉ាឡៃ ស្រុកស្វាយចេក ស្រុកថ្មពួក ស្រុកអូរជ្រៅ ស្រុកភ្នំស្រុក។
លោកបានបញ្ជាក់ថា៖ដោយឡែកស្រូវមិនប្រកាន់រដូវដូចជា ស្រូវសែនក្រអូប ស្រូវស្រង៉ែ និងស្រូវ៥១/៥៤ប្រភេទអូអឹមប្រជាកសិករកំពុងប្រមូលជាបណ្តើរៗអាចអំឡុងខែធ្នូ ឆ្នាំ២០២៥និងប្រមូលច្រើនហើយឆ្នាំនេះប្រភេទស្រូវមិនប្រកាន់រដូវផលល្អជាងឆ្នាំមុនអាចទទួលផលក្នុង១ហិកតា៥ទៅ៦តោន។
លោក ប៉ុក ឡៃជី ប្រធានមន្ទីពាណិជ្ជកម្មខេត្តបន្ទាយមានជ័យបានបញ្ជាក់ថា៖ថ្ងៃនេះឈ្មួញទិញស្រូវផ្ការំដួលសើមស្រូវលេខ១ក្នុង១តោនតំលៃ១.០៧០.០០០រៀល និងស្រូវលេខ២តំលៃ១.០៣០.០០០រៀលនិងស្រូវ៥១/៥៤ប្រភេទអូអឹមក្នុង១តោនឈ្មួញទិញ៦៥០.០០០រៀល និងស្រូវស្រង៉ែ ឈ្មួញទិញ១តោនតំលៃ៧៧០.០០០រៀល៕
ចែករំលែកព័តមាននេះ