ខេត្តស្ទឹងត្រែង ៖ ករណីភ្ញាក់ផ្អើលមួយបានកើតឡើងកាលពីវេលាម៉ោង៨និង៣០នាទីព្រឹកថ្ងៃទី៩ វិច្ឆិកា ២០២៥ ស្ថិតនៅចំណុចភូមិបាចុង សង្កាត់ព្រះបាទ ក្រុងស្ទឹងត្រែង ខេត្តស្ទឹងត្រែង បន្ទាប់ពីប្រជាពលរដ្ឋបានប្រទះឃើញសាកសពនារីម្នាក់ជាប់នឹងសន្ទូច…
ខេត្តស្ទឹងត្រែង ៖ ករណីភ្ញាក់ផ្អើលមួយបានកើតឡើងកាលពីវេលាម៉ោង៨និង៣០នាទីព្រឹកថ្ងៃទី៩ វិច្ឆិកា ២០២៥ ស្ថិតនៅចំណុចភូមិបាចុង សង្កាត់ព្រះបាទ ក្រុងស្ទឹងត្រែង ខេត្តស្ទឹងត្រែង បន្ទាប់ពីប្រជាពលរដ្ឋបានប្រទះឃើញសាកសពនារីម្នាក់ជាប់នឹងសន្ទូច ។ ករណីនេះបានបង្កការចាប់អារម្មណ៍ និងចោទជាសំណួរជាច្រើនអំពីមូលហេតុពិតប្រាកដនៃមរណភាព ។
សពជនរងគ្រោះត្រូវបានគេស្គាល់ថា ឈ្មោះ ធា មិថុនា មានប្រហែលអាយុ២០ជាងឆ្នាំ ។ នាងជាបុគ្គលិកបម្រើការងារនៅអាហារដ្ឋានមួយកន្លែងក្នុងក្រុងស្ទឹងត្រែង ។ សពរបស់នាងត្រូវប្រទះឃើញនៅភូមិបាចុង សង្កាត់ព្រះបាទ ក្រុងស្ទឹងត្រែង ដោយជាប់នឹងសន្ទូច ។ ទាក់ទងនឹងករណីនេះ សមត្ថកិច្ចបានអះអាងជាបឋមថា ជាករណីលង់ទឹក ប៉ុន្តែគេនៅមិនទាន់ដឹងច្បាស់ពីតម្រុយផ្សេងៗដែលអាចពាក់ព័ន្ធនឹងការសម្លាប់នៅឡើយទេ ។
ទោះបីសមត្ថកិច្ចសន្និដ្ឋានបែបនេះក៏ដោយ ក៏សាធារណជននៅតែរង់ចាំការស្រាវជ្រាវស៊ីជម្រៅបន្ថែមទៀត ដើម្បីបំបាត់មន្ទិលសង្ស័យណាមួយជុំវិញការស្លាប់នេះ ។
ក្រុមអ្នកសារព័ត៌មាននៅមិនទាន់អាចទំនាក់ទំនងជាមួយក្រុមគ្រួសារសពបាននៅឡើយទេ ដោយសារពួកគាត់កំពុងស្ថិតក្នុងស្ថានភាពសោកសៅចំពោះមរណទុក្ខដែលបានកើត
ឡើងដោយនឹកស្មានមិនដល់នេះ ។ រំពឹងយ៉ាងមុតមាំថា សមត្ថកិច្ចនឹងបន្តធ្វើការស្រាវជ្រាវយ៉ាងល្អិតល្អន់បំផុត ទាំងនៅកន្លែងកើតហេតុ និងប្រមូលភស្តុតាងផ្សេងៗ ដើម្បីស្វែងរកការពិត ធានាថាក្រុមគ្រួសារជនរងគ្រោះទទួលបានទំនុកចិត្ត និងភាពស្ងប់ចិត្តចំពោះករណីដ៏រសើបនេះ ៕
ចែករំលែកព័តមាននេះ