ខេត្តស្វាយរៀង ៖ មានករណីក្រុមចោរ០២នាក់ បានមកធ្វើសកម្មភាពបន្លំលួចយកកាបូបលុយស្ត្រីលក់ផ្លែឈើ នៅខាងមុខរោងចក្រហ្គីហ្កាស្វាយរៀង រួចឡើងរត់ឡើងជិះម៉ូតូ គេចខ្លួនដោយសុវត្ថភាព ។ ករណីនេះបានកើតឡើងនៅវេលាម៉ោង៧និង០០នាទីយប់ថ្ងៃទី៧ វិច្ឆិកា…
ខេត្តស្វាយរៀង ៖ មានករណីក្រុមចោរ០២នាក់ បានមកធ្វើសកម្មភាពបន្លំលួចយកកាបូបលុយស្ត្រីលក់ផ្លែឈើ នៅខាងមុខរោងចក្រហ្គីហ្កាស្វាយរៀង រួចឡើងរត់ឡើងជិះម៉ូតូ គេចខ្លួនដោយសុវត្ថភាព ។
ករណីនេះបានកើតឡើងនៅវេលាម៉ោង៧និង០០នាទីយប់ថ្ងៃទី៧ វិច្ឆិកា ២០២៥ នៅចំណុចតូបលក់ផ្លែឈើខាងមុខរោងចក្រ ហ្គីហ្គាស្វាយរៀង ស្ថិតក្នុងភូមិដើមពោធិ៍ ឃុំកណ្តៀងរាយ ស្រុកស្វាយទាប ។
បើតាមស្ត្រីរងគ្រោះ បានប្រាប់ឲ្យដឹងថា មុនពេលកើតហេតុ គាត់កំពុងរៀបចំ បិទតូបបម្រុងទៅផ្ទះ ខណៈនោះមានមនុស្ស០២នាក់ ជិះម៉ូតូស្កុបពី ពណ៌ខ្មៅ ១គ្រឿង បានឈប់នៅលើថ្នល់ជាតិលេខ១ ចំណែកជនសង្ស័យម្នាក់ បានដើរចូលមកក្នុងតូប រួចសួររកទិញផ្លែស្វាយ ១គីឡូ ខណៈរូបគាត់ ដើរទៅបើកតូប យកស្វាយ ដោយដាក់កាបូបលុយនៅលើតុខាងមុខ ទើបជនសង្ស័យបានបន្លំលួយយកកាបូបលុយរត់ឡើងជិះម៉ូតូគេចខ្លួន ទៅតាមផ្លូវជាតិលេខ១ ទៅទិសខាងលិចបាត់ស្រមោល ។
ស្ត្រីរងគ្រោះ បានឲ្យដឹងទៀតថា កាបូបលុយរបស់គាត់ ដែលចោរលួចទៅនោះ ក្នុងកាបូបមានលុយខ្មែរ ជិត១លានរៀល លុយដុល្លារ១០០ដុល្លារ អត្តសញ្ញាណបណ្ណ័សញ្ជាតិខ្មែរ ១សន្លឹក កាតធនាគារ១សន្លឹក។ ចោរប្រើល្បិចធ្វើជាសួររកទិញស្វាយ ពេលម្ចាស់តូបដើរទៅបើកឃ្លុបយកផ្លែស្វាយមកលក់ឲ្យ ហើយឃើញស្ត្រីរងគ្រោះទុកកាបូបលុយមិនបានប្រយត្ន័ ចោរឆក់យករត់ឡើងជិះម៉ូតូ ដែលបក្ខពួកវាបញ្ឆេះចាំនៅលើថ្នល់ជាស្រេច រួចជិះគេចខ្លួនដោយសុវត្ថិភាព។ ទោះបីជាយ៉ាងណាក៏ដោយ សមត្ថកិច្ចកំពុងតាមប្រមាញ់ ៕
ចែករំលែកព័តមាននេះ