រាជធានីភ្នំពេញ ៖ ករណីឆេះផ្ទះមួយកន្លែង នៅសង្កាត់ស្ទឹងមានជ័័យ សង្ស័យផ្ទុះកង្ហារម៉ាស៊ីនត្រជាក់ បង្កជាអណ្តាតភ្លើងឆាបឆេះបន្ទប់ជាន់ទី២ យ៉ាងខ្លាំង ប៉ុន្តែមិនបណ្តាលឱ្យមនុស្សណាម្នាក់រងរបួស ។ ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោង១០នឹង៣០នាទីព្រឹកថ្ងៃទី…
រាជធានីភ្នំពេញ ៖ ករណីឆេះផ្ទះមួយកន្លែង នៅសង្កាត់ស្ទឹងមានជ័័យ សង្ស័យផ្ទុះកង្ហារម៉ាស៊ីនត្រជាក់ បង្កជាអណ្តាតភ្លើងឆាបឆេះបន្ទប់ជាន់ទី២ យ៉ាងខ្លាំង ប៉ុន្តែមិនបណ្តាលឱ្យមនុស្សណាម្នាក់រងរបួស ។
ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោង១០នឹង៣០នាទីព្រឹកថ្ងៃទី ០២ ខែវិច្ឆិកា ឆ្នាំ២០២៥ នៅចំណុចផ្ទះមួយកន្លែង តាមបណ្តោយផ្លូវបេតុង ( ប្រឡាយលូស្ទឹងមានជ័យ) ក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។
តាមប្រភពព័ត៍មានពីម្ចាស់ផ្ទះកើតហេតុបានអោយដឹងថា មុនកើតហេតុ គាត់បានជូនប្រពន្ធទៅមន្ទីរពេទ្យ រួចចេញពីបន្ទប់ ហើយទៅក្រៅបាត់ទៅ ។ ខណៈមួយសន្ទុះក្រោយមក ម្តាយរបស់គាត់ កំពុងអង្គុយលក់ដូរនៅជាន់ផ្ទាល់ដី ក៏បានឮសម្លេងផ្ទុះ ធ្វើអោយម្តាយរបស់គាត់រត់ចេញក្រៅមកមើល ស្រាប់តែឃើញមានអណ្តាតភ្លើង លាយលំផ្សែងខ្មៅ នៅជាន់ទី២ បាត់ទៅហើយ ។ ភ្លាមៗ ប្រជាពលរដ្ឋឃើញបែបនេះ នាំគ្នាប្រញាប់ប្រញាល់ជួយទាក់ទងសមត្ថកិច្ចជំនាញពន្លត់អគ្គិភ័យ ដើម្បីមកអន្តរាគមន៍ ចៀសវាងមានការឆេះរាលដាលដល់ផ្ទះអ្នកដទៃ ។
អគ្គិភ័យខាងលើនេះដែរ បានបង្កខូចខាតបន្ទប់ជាន់ទី២ ចំនួន១ នឹង សម្ភារៈប្រើប្រាស់មួយចំនួនតូច តែមិនបង្កអោយមនុស្សរងរបួសនោះទេ ។ ជាមួយគ្នានោះ ករណីអគ្គិភ័យនេះបានប្រើប្រាស់រថយន្តពន្លត់អគ្គិភ័យ របស់ស្នងការដ្ឋាននគរបាលរាជធានីភ្នំពេញ ចំនួន ៤គ្រឿង នឹង រថយន្តជំនួយរបស់កងរាជអាវុធហត្ថ ចំនួន ៣គ្រឿង បាញ់អោយរលត់ជាស្ថាពរ ។ ចំពោះមូលហេតុ ពលរដ្ឋបានដាក់សង្ស័យ ផ្ទុះចេញពីកង្ហារម៉ាស៊ីនត្រជាក់ ៕
ចែករំលែកព័តមាននេះ