ខេត្តបន្ទាយមានជ័យ ៖ ករណីចាក់សាំងដុតប្រពន្ធនិងកូន បណ្តាលឱ្យរបួសធ្ងន់ទាំងខ្លួនឯងដែរនោះ បានត្រូវសមត្ថកិច្ចឃាត់ខ្លួនកាលពីល្ងាចថ្ងៃទី២៨ ខែតុលា ឆ្នាំ២០២៥កន្លងទៅ នៅភូមិខ្វាវ ឃុំបុស្បូវ ស្រុកព្រះនេត្រព្រះ…
ខេត្តបន្ទាយមានជ័យ ៖ ករណីចាក់សាំងដុតប្រពន្ធនិងកូន បណ្តាលឱ្យរបួសធ្ងន់ទាំងខ្លួនឯងដែរនោះ បានត្រូវសមត្ថកិច្ចឃាត់ខ្លួនកាលពីល្ងាចថ្ងៃទី២៨ ខែតុលា ឆ្នាំ២០២៥កន្លងទៅ នៅភូមិខ្វាវ ឃុំបុស្បូវ ស្រុកព្រះនេត្រព្រះ ។
ជនរងគ្រោះជាប្រពន្ធឈ្មោះ ដួល ដាច់ អាយុ២៨ឆ្នាំ និងកូនប្រុសឈ្មោះ ឈឿម រីដែន ស អាយុទើបបាន១ខែកន្លះ ។ នាយប៉ុស្តិ៍នគរបាលស្តីទីឃុំបុស្បូវបានឲ្យដឹងថា បុរសឈ្មោះ ឈួន ឈឿម អាយុ៣៣ឆ្នាំ គឺជាមនុស្សប្រមឹកខួបផឹកព្រឹកផឹកល្ងាច មិនធ្វើការងារហើយអង្គុយចាំតែប្រចណ្ឌ ។ ជននេះបានយកសាំង១ដបចំណុះ២លីត្រ ទៅចាក់ស្រោចលើប្រពន្ធដែលកំពុងដេកឱបកូនខ្ចីលើគ្រែនៅរោងបាយ ហើយដុតបណ្តាលឆាបឆេះប្រពន្ធ និងកូន និងបានបីរត់ទៅដងទឹកចាក់ពន្លត់ភ្លើងតែបណ្តាលឱ្យរបួសរលាកពេញខ្លួនក្នុងស្ថានភាពធ្ងន់ ។
លោកនាយប៉ុស្តិ៍ស្ដីទីបន្តថា ប្តីអគតិនេះក៏រលាកភ្លើងដែរ ក្រោយពេលចាក់សាំងដុតប្រពន្ធនិងកូន ហើយបានរត់គេច តែត្រូវកម្លាំងនគរបាលប៉ុស្តិ៍ឃាត់ខ្លួន ។ ចំណែកជនរងគ្រោះម្តាយនិងកូនប្រុស ត្រូវបានរថយន្តសង្គ្រោះដឹកម្ដាយទៅព្យាបាលមន្ទីរពេទមិត្តភាពកម្ពុជា-ជប៉ុនមង្គលបុរី ឯកូនប្រុសអាយុ១ខែកន្លះ ដឹកទៅសង្គ្រោះនៅមន្ទីរគន្ធបុប្ផាឯខេត្តសៀមរាប ។
លោកនាយប៉ុស្តិ៍ស្ដីទីបាកត់សម្គាល់ថា កាលថ្ងៃទី២៧ ខែតុលា ឆ្នាំ២០២៥ ប្តីប្រពន្ធនេះបានឈ្លោះប្រកែកគ្នា និងមានហិង្សាកើតឡើងទើបក្រុមគ្រួសារខាងប្រពន្ធប្តឹង ហើយមន្ត្រីឃុំ បានធ្វើការសម្របសម្រួល ។ ស្រាប់តែ១ថ្ងៃក្រោយមក ក៏បានចាក់សាំងដុតប្រពន្ធនិងកូនខ្ចីរងរបួសធ្ងន់ ។ គ្រួសារនេះមានកូនប្រុសក្នុងបន្ទុក៣នាក់ ៕
ចែករំលែកព័តមាននេះ