រាជធានីភ្នំពេញ ៖ មានករណីអគ្គិភ័យឆាបឆេះផ្ទះដេរ នឹងស្តុកក្រណាត់វាំងនន បណ្តាលឱ្យខូចខាតអស់សម្ភារៈមួយចំនួន តែមិនបានឆេះរាលដាលដល់ផ្ទះដទៃ នឹងគ្មានមនុស្សណាម្នាក់រងរបួសឡើយ ។ ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោង២នឹង៣០នាទីរសៀលថ្ងៃទី ៣១…
រាជធានីភ្នំពេញ ៖ មានករណីអគ្គិភ័យឆាបឆេះផ្ទះដេរ នឹងស្តុកក្រណាត់វាំងនន បណ្តាលឱ្យខូចខាតអស់សម្ភារៈមួយចំនួន តែមិនបានឆេះរាលដាលដល់ផ្ទះដទៃ នឹងគ្មានមនុស្សណាម្នាក់រងរបួសឡើយ ។
ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោង២នឹង៣០នាទីរសៀលថ្ងៃទី ៣១ ខែសីហា ឆ្នាំ២០២៥ នៅចំណុចផ្ទះស្តុកក្រណាត់មួយកន្លែង តាមបណ្តោយផ្លូវលេខ 12BT ក្នុងសង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ ។
តាមប្រភព័ត៍មានពីជាងដេរបានអោយដឹងថា មុនពេលកើតហេតុ គាត់កំពុងអង្គុយដេរនៅជាន់ផ្ទាល់ដី ស្របពេលនោះក៏បានឮសម្លេងផ្ទុះ ចេញពីជាន់ឡៅតឿ ភ្លាមៗនោះក៏មានផ្សែងខ្មៅហ៊ុយខ្មួលខ្មាញ់ លាយឡំអណ្តាតភ្លើងចេញពីបន្ទប់ជាន់ឡៅតឿ ហើយគាត់ក៏ស្រែកផ្អើលឆោឡោដល់អ្នកជិតខាង ។ ខណៈនោះប្រជាពលរដ្ឋបាននាំគ្នាជួយយកវាំងននចេញមកក្រៅ រួចនាំយកបាញ់ទឹកពន្លត់បឋម កុំអោយឆេះរាលដាល ចំណែកប្រជាពលរដ្ឋជិតខាងខ្លះទៀតបានប្រញាប់ប្រញាល់រាយការណ៍ជូន សមត្ថកិច្ចចុះមកអន្តរាគមន៍នៅកន្លែងកើតហេតុ ។
ក្នុងករណីអគ្គិភ័យខាងលើនេះដែរ បានឆាបឆេះអស់សម្ភារៈមួយចំនួន ហើយអណ្តាតភ្លើងបានរោលជញ្ជាំងមួយជាន់ក្រោម តែមិនបង្កអោយមនុស្សណាម្នាក់រងរបួសនោះទេ ។ ក្នុងហេតុការណ៍នេះដែរ បានប្រើប្រាស់រថយន្តពន្លត់អគ្គិភ័យរបស់ស្នងការរាជធានីភ្នំពេញចំនួន២គ្រឿង បាញ់ពន្លត់ឱ្យរលត់ជាស្ថាពរ ។ ចំពោះមូលហេតុ ប្រជាពលរដ្ឋបានដាក់ការសង្ស័យថា អាចបណ្តាលមកពីឆ្លងចរន្តអគ្គិសនី ទើបបង្កជាអគ្គិភ័យបែបនេះ ៕
ចែករំលែកព័តមាននេះ