សង្គ្រាមអ៉ីរ៉ង់ ៖ ក្នុងឱកាសនៃការបំពេញទស្សនកិច្ចមួយនៅព្រំដែនជាមួយលីបង់ រដ្ឋមន្ត្រីការពារប្រទេសអ៉ីស្រាអែល លោកអ៉ីស្រាអែលកាតលើកឡើងពីការសម្លាប់មេបញ្ជាការម្នាក់របស់កងឯកភាព NASSER របស់ក្រុមហេសប៊ុលឡាហ៍លីបង់។ តាមសេចក្ដីប្រកាសមួយថា មេបញ្ជាការរូបនោះលោកអាប៊ូហ៊ូសេនរ៉ាសហេបបានស្លាប់ក្នុងការវាយប្រហារមួយនាពេលយប់។
ប្រធានាធិបតីលីបង់លោកចូសេបអាអ៊ូន ក្នុងវីដេអូខេនហ្វេរេនមួយ ជាមួយប្រមុខបណ្ដាស្ថាប័នសហភាពអឺរ៉ុប បានចោទប្រកាន់ក្រុមហេសប៊ុលឡាហ៍ថា ចង់នាំលីបង់ទៅរកការរលំរលាយព្រោះតែជួយអ៉ីរ៉ង់។ លោកអំពាវនាវឲ្យមានការចរចាដោយផ្ទាល់ជាមួយអ៊ីស្រាអែល ដើម្បីបញ្ចប់សង្គ្រាម។
ទន្ទឹមនឹងនេះដែរ អ៉ីស្រាអែលបន្តវាយប្រហារមិនបន្ធូរដៃលើលីបង់ចាប់តាំងពីក្រុមហេសប៊ុលឡាហ៍ ស្និទ្ធអ៉ីរ៉ង់រុញច្រានប្រទេសឲ្យធ្លាក់ក្នុងសង្គ្រាមតំបន់ជាមួយអ៉ីរ៉ង់ចាប់ពីថ្ងៃទី២ មីនា មក ជាមួយការបាញ់មីស៊ីលលើអ៉ីស្រាអែល។ ការវាយប្រហារថ្មីៗ របស់អ៉ីស្រាអែលលើលីបង់ បណ្ដាលឲ្យមនុស្សស្លាប់៤៨៦នាក់ និងរបួស១៣៣១នាក់ ចាប់តាំងពី១សប្ដាហ៍មកនេះ ៕
ចែករំលែកព័តមាននេះ