រាជធានីភ្នំពេញ ៖ ករណីផឹកស៊ីចាក់ចំរៀងរំខានអ្នកជិតខាង ត្រូវប្រជាការពារប្រាប់បន្ថយសម្លេងបាស់ ស្រាប់តែប៉ះពាក្យសម្តីគ្នារហូតដល់បង្កជាហិង្សាវាយទៅលើប្រជាការពារ និងប៉ូលិសចូលឃាត់វាយទាំងប៉ូលិសទៀត ត្រូវសមត្ថកិច្ចឃាត់ខ្លួនបានបុរស៣នាក់ បង្កឲ្យមានការភ្ញាក់ផ្អើលកាលពីវេលាម៉ោង១១ និង៤០នាទីយប់ថ្ងៃទី១២ ខែមេសា…
រាជធានីភ្នំពេញ ៖ ករណីផឹកស៊ីចាក់ចំរៀងរំខានអ្នកជិតខាង ត្រូវប្រជាការពារប្រាប់បន្ថយសម្លេងបាស់ ស្រាប់តែប៉ះពាក្យសម្តីគ្នារហូតដល់បង្កជាហិង្សាវាយទៅលើប្រជាការពារ និងប៉ូលិសចូលឃាត់វាយទាំងប៉ូលិសទៀត ត្រូវសមត្ថកិច្ចឃាត់ខ្លួនបានបុរស៣នាក់ បង្កឲ្យមានការភ្ញាក់ផ្អើលកាលពីវេលាម៉ោង១១ និង៤០នាទីយប់ថ្ងៃទី១២ ខែមេសា ឆ្នាំ២០២៦ តាមបណ្ដោយផ្លូវ១០៥ កែងផ្លូវ៤២០ សង្កាត់បឹងត្របែក ខណ្ឌចំការមន រាជធានីភ្នំពេញ ។
ប្រភពព័ត៌មានបានឱ្យដឹងថា មុនពេលកើតហេតុ មានមនុស្សប្រុសស្រីមួយក្រុម បាននាំគ្នាផឹកស៊ី សប្បាយអឺងកង ដោយមានការចាក់ធុងបាស់ឮៗផងដែរ ។ លុះពេលផឹកស្រវឹង រៀងយប់ជ្រៅបន្តិច ស្រាប់តែក្រុមអ្នកផឹកទាំងនោះ បានបើកសំឡេងធុងបាសកាន់តែឮទៅៗ ដែលបង្កជាការរំខានដល់ពលរដ្ឋរស់នៅក្បែរនោះ ស្រាប់តែប្រជាពលរដ្ឋគាត់បានទៅប្រាប់ក្រុមអ្នកផឹកទាំងនោះ អោយបន្ថយសំឡេងបន្តិច តែក្រុមអ្នកផឹកទាំងនោះ កំពុងតែស្រវឹងផង បានឈ្លោះប្រកែកជាមួយប្រជាការពារ ហើយវាយថែមទៀត ទើបផ្អើលដល់សមត្ថកិច្ចមូលដ្ឋានបានចុះទៅជួយអន្តរាគមន៍ ។
ស្រាប់តែក្រុមប្រុសទាំងនោះមានចំនួន៣នាក់ បានវាយទាំងសមត្ថកិច្ចថែមទៀត សមត្ថកិច្ចបានហៅកម្លាំងទៅថែម ដោយមកធ្វើការឃាត់ខ្លួនបុរស៣នាក់ដែលប្រើហិង្សាទៅលើសមត្ថកិច្ចយកទៅសួរនាំនៅប៉ុស្តិ៍នគរបាលរដ្ឋបឹងត្របែកផងដែរ ។
ក្រោយពេលកើតហេតុ សមត្ថកិច្ចបានសួរនាំអ្នកទាំង៣នាក់នៅប៉ុស្តិ៍ រួចមួយជំហាន ហើយក៏
សម្រេចបន្តបញ្ជូនទៅអធិការដ្ឋាននគរបាលខណ្ឌចំការមន ដើម្បីបន្តតាមនីតិវិធី ៕
ចែករំលែកព័តមាននេះ