រាជធានីភ្នំពេញ ៖ បុរសម្នាក់ជាអ្នករកស៊ីម៉ៅការសំណង់ ត្រូវបានកម្លាំងសមត្ថកិច្ចការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ ធ្វើការឃាត់ខ្លួនតាមដីកាបង្គាប់ឲ្យនាំខ្លួន និងបញ្ជូនទៅតុលាការ កាលពីថ្ងៃទី៣០ ខែតុលា ឆ្នាំ២០២៥ ពាក់ព័ន្ធករណីប្រើប្រាស់មូលប្បទានបត្រគ្មានសាច់ប្រាក់…
រាជធានីភ្នំពេញ ៖ បុរសម្នាក់ជាអ្នករកស៊ីម៉ៅការសំណង់ ត្រូវបានកម្លាំងសមត្ថកិច្ចការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ ធ្វើការឃាត់ខ្លួនតាមដីកាបង្គាប់ឲ្យនាំខ្លួន និងបញ្ជូនទៅតុលាការ កាលពីថ្ងៃទី៣០ ខែតុលា ឆ្នាំ២០២៥ ពាក់ព័ន្ធករណីប្រើប្រាស់មូលប្បទានបត្រគ្មានសាច់ប្រាក់ ពោលគឺសែកស្អុយរាប់ម៉ឺនដុល្លារអាមេរិក ។
បុរសរូបនេះមានឈ្មោះ ផល សុភាព អាយុ៤៣ឆ្នាំ ជាអ្នកម៉ៅការសំណង់ ស្នាក់នៅផ្ទះលេខ៦៩A បុរីហុងឡាយ ផ្លូវលេខ១ ភូមិត្រពាំងថ្លឹង១ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ ។
ការឃាត់ខ្លួនអ្នកម៉ៅការសំណង់ខាងលើនេះ សមត្ថកិច្ចបានអនុវត្តតាមដីកាបង្គាប់ឲ្យនាំខ្លួនរបស់ចៅក្រមស៊ើបសួរសាលាដំបូងរាជធានីភ្នំពេញ ដែលជននេះត្រូវបានចោទប្រកាន់ពីបទឆបោក កាលពីអំឡុងខែមីនា ឆ្នាំ២០២៤ ប្រព្រឹត្តនៅចំណុចអគារការិយាល័យ Time Square3 ជាន់ទី២៥ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ដែលមានចែងឲ្យផ្តន្ទាទោសតាមបញ្ញត្តិមាត្រា ៣៧៧ និងមាត្រា ៣៧៨ នៃក្រមព្រហ្មទណ្ឌ និងបទមិនបំពេញកាតព្វកិច្ចចំពោះឧបករណ៍អាចជួញដូរបាន ប្រព្រឹត្តនៅរាជធានីភ្នំពេញ កាលពីថ្ងៃទី៤ ខែក ក្កដា ឆ្នាំ២០២៤ បទល្មើសព្រហ្មទណ្ឌដែលមានចែងឲ្យផ្តន្ទាទោសតាមបញ្ញត្តិមាត្រា ២៣១ នៃច្បាប់ ស្តីពីឧបករណ៍អាចជួញដូរបាន និងប្រតិបត្តិការទូទាត់សងប្រាក់ ។
ដោយយល់ឃើញថា ចៅក្រមស៊ើបសួរ បានចេញដីកាបង្គាប់ឲ្យចូលខ្លួនកាលពីថ្ងៃទី២៩ ខែកក្កដា ឆ្នាំ២០២៥ ដើម្បីឲ្យជនត្រូវចោទឈ្មោះ ផល សុភាព ចូលរួមឆ្លើយបំភ្លឺអង្គហេតុខាងលើ ប៉ុន្តែជនត្រូវចោទពុំបានចូលខ្លួនតាមដីកាកោះហៅរបស់តុលាការឡើយ ។ ដើម្បីធានាដល់កិច្ចស៊ើបសួរឲ្យមានលក្ខណៈពេញលេញ តុលាការគប្បីសម្រេចបង្គាប់ឲ្យនាំខ្លួនជនត្រូវចោទឈ្មោះ ផល សុភាព មកចំពោះមុខចៅក្រមស៊ើមសួរ ដើម្បីសួរចម្លើយ ៕
ចែករំលែកព័តមាននេះ