ខេត្តបន្ទាយមានជ័យ ៖ រថយន្តធុនធំសណ្តោងរ៉ឺម៉កប្រភេទB1 ដឹកស្រូវពេញក្ រឡាប់ផ្ញារជើង ដោយកាប៊ីនធ្លាក់ចូលស្រះទឹក បណ្តាលឱ្យជាប់ទាំងអ្នកបើកបរនិងព្រូក្នុងរថយន្តនោះ មិនដឹងថាស្លាប់ឬរស់នៅឡើយទេ ខណៈប្រជាពលរដ្ឋនាំគ្នាជួយសង្គ្រោះដែរ តែជួយមិនទាន់បានឡើយទេ…
ខេត្តបន្ទាយមានជ័យ ៖ រថយន្តធុនធំសណ្តោងរ៉ឺម៉កប្រភេទB1 ដឹកស្រូវពេញក្ រឡាប់ផ្ញារជើង ដោយកាប៊ីនធ្លាក់ចូលស្រះទឹក បណ្តាលឱ្យជាប់ទាំងអ្នកបើកបរនិងព្រូក្នុងរថយន្តនោះ មិនដឹងថាស្លាប់ឬរស់នៅឡើយទេ ខណៈប្រជាពលរដ្ឋនាំគ្នាជួយសង្គ្រោះដែរ តែជួយមិនទាន់បានឡើយទេ ។
ហេតុការណ៍ខាងលើនេះកើតឡើងនៅយប់ថ្ងៃទី២៨ ខែតុលា ឆ្នាំ២០២៥ នៅក្បែសាលាឃុំ ស្ថិតភូមិទ្រាស់ ឃុំទ្រាស់ ស្រុកស្វាយចេក។
មន្ត្រីនគរបាលចរាចរណ៍ជើងគោកស្រុកស្វាយចេកប្រាប់ថា មុនពេលកើតហេតុ មានរថយន្តធុនធំសណ្តោងរ៉ឺម៉កប្រភេទB1ដឹកស្រូវពេញ ចេញដំណើរពីស្រុកបន្ទាយអំពិល ខេត្តឧត្តរមានជ័យ ឆ្លងកាត់ស្រុកស្វាយចេក ខេត្តបន្ទាយមានជ័យ បានបើកបរលឿន លុះដល់ចំណុចផ្លូវកោង ក្នុងទិសដៅពីជើងមកត្បូងបត់ទៅលិច ស្រាប់តែក្រឡាប់ផ្ងារជើង ដោយកាប៊ីនធ្លាក់ចូលក្នុងទឹកស្រះ ដោយមានអ្នកបើកបរនិងព្រូម្នាក់ជាប់ក្នុងកាប៊ីនរថយន្តនោះ មិនដឹងស្ថិតក្នុងស្ថានភាពបែបណានៅឡើយ ។
មន្ត្រីនគរបាលជំនាញបញ្ជាក់ថា នៅពេលដែលរថយន្តធុនធំក្រឡាប់កាប៊ីនរថយន្តចូលទឹកស្រះកម្លាំងជំនាញនិងប្រជាពលរដ្ឋបានព្យាយាមជួយអ្នកបើកបរ និងព្រូដែរ តែជួយមិនទាន់បាននៅឡើយ ហើយអ្នកជាប់ក្នុងកាប៊ីនរថយន្តនោះ មិនទាន់ដឹងស្ថិតក្នុងស្ថានភាពបែបណានៅឡើយទេ ព្រោះជួយមិនទាន់បាននៅឡើយ ហើយកម្លាំងជំនាញកំពុងព្យាយាមហៅរថយន្តមកស្ទូចដើម្បីសង្គ្រោះមនុស្សផងដែរ ។ ដោយឡែកស្រូវដែលក្រឡាបចាក់ចោលអាចមានទម្ងន់៤០ទៅ៥០តោន ៕
ចែករំលែកព័តមាននេះ