ខេត្តកំពង់ឆ្នាំង ៖ បើទោះបីស្ថានភាពទឹកបានស្រកចុះ ដែលគិតត្រឹមថ្ងៃទី២៨ ខែតុលា ឆ្នាំ២០២៥ បានស្រកចុះប្រមាណ០,៣៣ម៉ែត្រក្តី ក៏ស្ថានភាពស្រូវរបស់បងប្អូនប្រជាពលរដ្ឋជាង១ពាន់ហិកតា កំពុងរងការប៉ះពាល់ដោយទឹកជំនន់ និងអាចប្រឈមខូចខាតដោយអន្លើរ…
ខេត្តកំពង់ឆ្នាំង ៖ បើទោះបីស្ថានភាពទឹកបានស្រកចុះ ដែលគិតត្រឹមថ្ងៃទី២៨ ខែតុលា ឆ្នាំ២០២៥ បានស្រកចុះប្រមាណ០,៣៣ម៉ែត្រក្តី ក៏ស្ថានភាពស្រូវរបស់បងប្អូនប្រជាពលរដ្ឋជាង១ពាន់ហិកតា កំពុងរងការប៉ះពាល់ដោយទឹកជំនន់ និងអាចប្រឈមខូចខាតដោយអន្លើរ ។ នេះបើតាមការបញ្ជាក់របស់លោក ងិន ហ៊ុន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំងនាថ្ងៃ
នេះ ។
លោកប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំងបានបញ្ជាក់ថា ដំណាំស្រូវឆ្នាំនេះ បងប្អូនប្រជាកសិករធ្វើបានជាង១៤ម៉ឺនហិកតា ក្នុងនោះ ដំណាំស្រូវជាង១ពាន់ហិកតាកំពុងរងការប៉ះពាល់ ហើយអាចនឹងខូចខាតដោយអន្លើរដែលជំនាញនិងចុះស្រាវជ្រាវវាយតម្លៃនៅពេលខាងមុខនេះ ។
លោកបានបញ្ជាក់ថា ដំណាំស្រូវដែលរងការប៉ះពាល់លើផ្ទៃដីដែលគាត់បានបង្កបង្កើនផលនិងប្រមូលផលម្ដងរួចហើយ និងប្រជាកសិករបានដាំជាថ្មីម្ដងទៀត ក៏ទៅរងគ្រោះដោយទឹកជំនន់តែម្ដង ។
ដោយឡែក បើយោងតាមស្ថានីយជលសាស្ត្រទន្លេសាបផ្សាក្រោមរបស់មន្ទីរធនធានទឹកនិងឧតុនិយមខេត្តកំពង់ឆ្នាំង នៅថ្ងៃទី២៨ ខែតុលា ឆ្នាំ២០២៥ នេះ ទឹកមានកម្ពស់ ៩,៧៧ម៉ែត្រ បើប្រៀបធៀបទៅនៅថ្ងៃទី២៨ ខែតុលា ឆ្នាំ២០២៤ ទឹកមានកម្ពស់៨,៥១ ម៉ែត្រ គឺខ្ពស់ជាងឆ្នាំចាស់កម្ពស់១,២៦ម៉ែត្រ ។
សូមបញ្ជាក់ថា ឆ្នាំ២០២៥ស្ថានភាពកម្ពស់ទឹកទន្លេផ្សារក្រោម បានឡើងដល់កម្ពស់១០,១០ម៉ែត្រ នៅថ្ងៃទី១៧ និង១៨ ខែតុលា ហើយក៏បានចាប់ផ្ដើមស្រកចុះវិញមួយថ្ងៃបន្តិចមួយថ្ងៃបន្តិចរហូតដល់ថ្ងៃទី២៨ ខែតុលានេះ ទឹកបានស្រកចុះដល់កម្រិត៩,៧៧ ម៉ែត្រ គឺបានស្រកចុះ០,៣៣ម៉ែត្រ ដែលជាការស្រកចុះយ៉ាងយឺត ។
ចែករំលែកព័តមាននេះ