រាជធានីភ្នំពេញ ៖ ឃ្លាំងស្តុកនិងលក់ម៉ូតូជប៉ុន ត្រូវបានអគ្គិភ័យឆាបឆេះយ៉ាងសន្ធោសន្ធៅផ្អើលពលរដ្ឋនិងសមត្ថកិច្ចជំនាញចេញរថយន្តពន្លត់អគ្គីភ័យអន្តរាគមន៍បាញ់ពន្លត់ កាលពីវេលាម៉ោង២និង២០នាទីរំលងអាធ្រាត្រឈានចូលថ្ងៃទី២៨ខែតុលាឆ្នាំ២០២៥ នៅចំនុចឃ្លាំងស្តុកនិងលក់ម៉ូតូជប៉ុនមួយកន្លែង ក្នុងភូមិ៣ តាមបណ្ដោយផ្លូវ ៣២៨ សង្កាត់ទួលស្វាយព្រៃទី១…
រាជធានីភ្នំពេញ ៖ ឃ្លាំងស្តុកនិងលក់ម៉ូតូជប៉ុន ត្រូវបានអគ្គិភ័យឆាបឆេះយ៉ាងសន្ធោសន្ធៅផ្អើលពលរដ្ឋនិងសមត្ថកិច្ចជំនាញចេញរថយន្តពន្លត់អគ្គីភ័យអន្តរាគមន៍បាញ់ពន្លត់ កាលពីវេលាម៉ោង២និង២០នាទីរំលងអាធ្រាត្រឈានចូលថ្ងៃទី២៨ខែតុលាឆ្នាំ២០២៥ នៅចំនុចឃ្លាំងស្តុកនិងលក់ម៉ូតូជប៉ុនមួយកន្លែង ក្នុងភូមិ៣ តាមបណ្ដោយផ្លូវ ៣២៨ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ ។
សមត្ថកិច្ចការិយាល័យបង្ការពន្លត់អគ្គីភ័យស្នងការដ្ឋាននគរបាលរាជធានីភ្នំពេញបានបញ្ជាក់ថា ម្ចាស់ទីតាំងឈ្មោះ ឈឹង សុខា ភេទប្រុស អាយុ៥៨ឆ្នាំ មុខរបរលក់ម៉ូតូ ។ ទីតាំងកើតហេតុជាប្រភេទសំណង់ ថ្មប្រក់ស័ង្កសី ទំហំ ១៧ម៉ែត្រគុណនឹង២៥ម៉ែត្រ ខូចខាតសម្ភារៈ ឆេះឃ្លាំងទំហំ ១៧ម៉ែត្រគុណនឹង២៥ម៉ែត្រចំនួន ចំនួន០១ឃ្លាំង និងឆេះផ្ទះថ្មទំហំ ០៦ម៉ែត្រគុណនឹង២៥ម៉ែត្រ ចំនួន ០១ខ្នង រួមទាំងឆេះម៉ូតូនិងគ្រឿងម៉ូតូអស់ជាច្រើនគ្រឿង ។
ប្រភពព័ត៌មានបានអោយដឹងថា ទីតាំងខាងលើ គឺជាឃ្លាំងស្តុកនិងលក់ម៉ូតូជប៉ុនចម្រុះ
មុនពេលកើតហេតុ មានបុគ្គលិក៤នាក់នៅក្នុងឃ្លាំង លុះដល់ម៉ោងកើតហេតុ មិនដឹងថាមានរឿងអ្វីនោះទេ ក៍ស្រាប់តែមានអណ្ដាតភ្លើងឆេះសន្ធោសន្ធៅនៅខាងក្នុងឃ្លាំងតែម្តង ដែលធ្វើឲ្យបុគ្គលិកស្នាក់នៅក្នុងភ័យស្លន់ស្លោ បានត្រឹមតែនាំគ្នារត់ចេញមកក្រៅឆោឡោ ទាញយកបំពង់ពន្លត់អគ្គិភ័យមកបាញ់អស់ជាច្រើនបំពង់ តែមិនអាចគ្រប់គ្រងស្ថានការណ៍បានទើបនាំគ្នារាយការណ៍ជូនអាជ្ញាធរនិងសមត្ថកិច្ចជំនាញចេញរថយន្តពន្លត់អគ្គិភ័យមក បណ្តាអង្គភាពផ្សេងៗ ចេញអន្តរាគមន៍ជួយបាញ់ពន្លត់ផងដែរ ។
ជុំវិញករណីខាងលើនេះ អាជ្ញាធរមិនទាន់អាចបញ្ជាក់ ពីធំនៃការខូចខាតនៅឡើយនោះទេខណៈកម្លាំងជំនាញកំពុងតែធ្វើបាញ់ពន្លត់និងបានឆ្លងរាលដាលទៅផ្ទះមួយល្វែងទៀតនៅ ជាប់គ្នារងការខូចខាត និងឆេះខូចខាតម៉ូតូនិងសម្ភារៈមួយចំនួនទៀតស្ទើរទាំងស្រុងនៅក្នុង ឃ្លាំងលក់ម៉ូតូ ។ ចំពោះមូលហេតុនៃការឆាបឆេះសមត្ថកិច្ចកំពុងតែស្រាវជ្រាវ តែមិនបណ្តា ឲ្យមានអ្នករងរបួសទេ ។
ប្រើប្រាស់រថយន្តពន្លត់អគ្គិភ័យចំនួន ២១គ្រឿង ប្រើទឹកអស់ចំនួន ១០៥ឡាន ។ រថយន្តជំនួយរបស់ក្រសួងមហាផ្ទៃចំនួន ០២គ្រឿង ប្រើទឹកអស់ចំនួន ០៤ឡាន ។ រថយន្តអគ្គិភ័យកងពលតូចង៧០ចំនួន ០៧គ្រឿង ប្រើប្រាស់ទឹកអស់ចំនួន ០៦ឡាន ។ ពន្លត់ចប់នៅម៉ោង ០៥ទៀបភ្លឺថ្ងៃខែឆ្នាំដដែល ។
បច្ចុប្បន្នការិយាល័យជំនាញកំពុងសហការជាមួយអាជ្ញាធរខណ្ឌបឹងកេងកងកំពុងហ៊ុមព័ទ្ធកន្លែងកើតហេតុមិនអនុញាតិអោយអ្នកណាចូលនោះទេ រងចាំព្រឹកក្រុមការងារចុះពិនិត្យដើម្បីរកហេតុផលនៃការឆាបឆេះខាងលើនេះ ៕
ចែករំលែកព័តមាននេះ