ជំងឺគ្រោះថ្នាក់សរសៃឈាមខួរក្បាល (ឬជំងឺដាច់សរសៃឈាមខួរក្បាល) គឺជាជំងឺធ្ងន់ធ្ងរដែលទាមទារការព្យាបាលបន្ទាន់។ ដំណើរការនៃការព្យាបាលជំងឺនេះ ទាមទារជាដំបូងនូវ ការស្គាល់ឲ្យបានឆាប់រហ័ស នូវ រោគសញ្ញានៃជំងឺនេះ ទាំងពីអ្នកជំងឺផ្ទាល់ ឬអ្នកដែលនៅក្បែរគាត់។…
ជំងឺគ្រោះថ្នាក់សរសៃឈាមខួរក្បាល (ឬជំងឺដាច់សរសៃឈាមខួរក្បាល) គឺជាជំងឺធ្ងន់ធ្ងរដែលទាមទារការព្យាបាលបន្ទាន់។
ដំណើរការនៃការព្យាបាលជំងឺនេះ ទាមទារជាដំបូងនូវ ការស្គាល់ឲ្យបានឆាប់រហ័ស នូវ រោគសញ្ញានៃជំងឺនេះ ទាំងពីអ្នកជំងឺផ្ទាល់ ឬអ្នកដែលនៅក្បែរគាត់។
រោគសញ្ញាសំខាន់ៗនៃជំងឺដាច់សរសៃឈាមខួរក្បាល៖
ពិបាកនិយាយភ្លាមៗ ឬ និយាយមិនបាន
ទន់ដៃ ជើង មួយចំហៀងភ្លាមៗ (ពាក្យខ្មែរយើងថាស្លាប់មួយចំហៀងខ្លួន)
វៀចមុខភ្លាមៗ
សំខាន់! ត្រូវបញ្ជូនអ្នកជំងឺទៅមន្ទីរពេទ្យភ្លាមៗ៖
សូម បញ្ជូនអ្នកជំងឺមកកាន់មន្ទីរពេទ្យឲ្យបានលឿនបំផុត! ព្រោះបើគាត់មកទាន់ក្នុង ថិរវេលា ៤ ម៉ោងដំបូង (ក្នុងករណីស្ទះសរសៃឈាមខួរក្បាល) គាត់អាចទទួលបានការព្យាបាលដោយ ឱសថទំនើបចុងក្រោយ (Thrombolyse) ដែលអាចរំលាយដុំកំណកឈាមនោះបាន (ប្រសិនបើអ្នកជំងឺមិនមានកត្តារំខានផ្សេងៗទៀតចំពោះការប្រើប្រាស់ថ្នាំនេះទេ)៕
(ប្រភព៖ មន្ទីរពេទ្យកាល់ម៉ែត)
ចែករំលែកព័តមាននេះ