ចែកធុងចម្រោះទឹកស្អាតជាង ១ពាន់ធុងដល់ប្រជាពលរដ្ឋក្នុងស្រុកទឹកផុស
- កំពង់ឆ្នាំង
ខេត្តកំពង់ឆ្នាំង ៖ ធុងចម្រោះទឹកស្អាតចំនួន ១ ០៦៥ ធុង ត្រូវបានធ្វើវិធីចែកជូនប្រជាពលរដ្ឋចំនួន ១០៦៥ គ្រួសារ រស់នៅស្រុកទឹកផុស…
ខេត្តកំពង់ឆ្នាំង ៖ ធុងចម្រោះទឹកស្អាតចំនួន ១ ០៦៥ ធុង ត្រូវបានធ្វើវិធីចែកជូនប្រជាពលរដ្ឋចំនួន ១០៦៥ គ្រួសារ រស់នៅស្រុកទឹកផុស ខេត្តកំពង់ឆ្នាំង ។ ពិធីនេះធ្វើឡើងនៅ ព្រឹកថ្ងៃទី ២៦ ខែតុលា ឆ្នាំ២០២៥ បរិវេណសាលាស្រុកទឹកផុស ក្រោមអធិបតីភាព លោកជំទាវ មាន សំអាន ប្រធានគណៈកម្មការទី ៨ព្រឹទ្ធសភា អនុប្រធានសមាគមនារីកម្ពុជាដើម្បី សន្តិភាព និងអភិវឌ្ឍ ,សម្ដេចរាជបុត្រីព្រះអនុជ នរោត្តម អរុណរស្មី សមាជិកាព្រឹទ្ធសភា និងសមាជិកព្រឹទ្ធសភា លោកជំទាវ កែ ចន្នមុនី អ្នកតំណាងរាស្ត្រមណ្ឌលកំពង់ឆ្នាំង ព្រមទាំងមានការអញ្ជើញចូលរួម លោកជំទាវឯកឧត្តម និងមន្ត្រីរាជការជាច្រើនរូបទៀត ។
ឯកឧត្តម យិន សាវ៉េន អភិបាលរងខេត្តកំពង់ឆ្នាំង បានអានរបាយការណ៍ស្វាគមន៍ បញ្ជាក់ថា ខេត្តកំពង់ឆ្នាំងមានរោងចក្រសហគ្រាសនិងសិប្បកម្មសរុបចំនួន ២ ០១៧ មូលដ្ឋាន ដោយមានកម្មករ និយោជិត សរុបចំនួន ៧៦ ៩២ នាក់។ ដើម្បីលើកកម្ពស់សុខខ្មែលភាព សាធារណៈខេត្តបានផ្គត់ផ្គង់ទឹកស្អាតចំនួន២១ ក្រុមហ៊ុនដល់ក្រុងស្រុកទាំង៨ របស់ខេត្ត ព្រមទាំងបានជីកស្រះទឹក ដល់សហគមន៍ និងសាងសង់អណ្ដូងស្នប់យ៉ាងច្រើនផងដែរ។ដើម្បីទប់ទល់ ស្ថានភាព បម្រែបម្រួលអាកាសធាតុ ខេត្តបាត់ កសាងបង្គន់អនាម័យសរុបចំនួន១៣៤ ៥១០ បង្គន់ ស្មើនឹង៩៧,៩% ។ខេត្តបានបង្កើតក្រុមការងារប្រចាំការនៅច្រកព្រំដែនថៃ នឹងបានរៀបចំសម្ភារៈឧបភោគបរិភោគ កន្លែង ស្នាក់នៅបណ្ដោះអាសន្នសម្រាប់ពលករវិលត្រឡប់ពីប្រទេសថៃវិញ។ គិតត្រឹមពេលនេះពលករដែលបានចំណាកស្រុកមកពីប្រទេសថៃសរុបចំនួន៣,៤៧៤ នាក់ ដោយបានទៅបំពេញការងារបានចំនួន១ ២២១ នាក់។ក្រៅពីហេដ្ឋារចនាសម្ព័ន្ធខេត្តកំពង់ឆ្នាំងដែលបានកសាងជាបន្តបន្ទាប់ប្រជាពលរដ្ឋបាន រស់នៅប្រកបដោយសន្តិសុខសណ្ដាប់ធ្នាប់ល្អប្រសើរ។
នៅក្នុងឱកាសនោះលោកជំទាវ មានសំអាន ប្រធានគណៈកម្មាការ ទី ៨ ព្រឹទ្ធសភា អនុប្រធានសមាគមនារីកម្ពុជាដើម្បីសន្តិភាពនិងអភិវឌ្ឍ មានប្រសាសន៍ថា នេះជាការប្រកាសបើកដំណើរការអនុវត្តគម្រោងបែងចែកចង្ក្រានសន្សំសំចៃថាមពល និងធុងចម្រុះទឹកស្អាត ដោយឥតគិតថ្លៃ ជូនប្រជាពលរដ្ឋ ដំណាក់កាលទី ២ ដោយដំណាក់កាលទី១យើងអនុវត្តបាន ៣ ឆ្នាំដំបូង បានបញ្ចប់ហើយ ។ សម្រាប់គម្រោងទី ២នេះនឹងបែងចែកទៅតាមបណ្ដាខេត្ត នានាដូចជាខេត្តកំពង់ឆ្នាំង ខេត្តក្រចេះ ខេត្ត ប៉ៃ លិន ខេត្តរតនគិរី ខេត្តមណ្ឌលគីរី ខេត្តព្រះវិហារ និងខេត្តព្រះសីហនុ ។
សម្រាប់ខេត្តកំពង់ឆ្នាំងគម្រោងទទួលបានធុងចម្រោះទឹកស្អាតនេះមានចំនួនជាង ៧ ម៉ឺនធុង ដោយឡែកស្រុកទឹកផុសមានជាង ២ ម៉ឺនធុង ។គម្រោងចែកធុងចម្រុះទឹកស្អាតនេះមិនគិតថ្លៃទេ ប៉ុន្តែ សូមឱុយបងប្អូនយកទៅប្រើប្រាស់ កុំយកទៅទុកចោល នឹងយកទៅលក់ដូរ និងត្រូវថែរក្សា ទុកដាក់ឲ្យបានគង់វង្ស កុំឲ្យបែកបាក់ ព្រោះជំនួយឧបត្ថម្ភនេះក្នុង គោលដៅតែមួយ គឺដើម្បីសុខមាលភាពរបស់ប្រជាពលរដ្ឋតែប៉ុណ្ណោះ។ ការផ្ដល់ធុងចម្រោះទឹកស្អាតឲ្យឥតគិតថ្លៃជូនប្រជាពលរដ្ឋ ក្នុងគោលបំណង លើកកម្ពស់សុខមាលភាព លើកកម្ពស់ជីវភាព និងលើកកម្ពស់បរិស្ថាន របស់បងប្អូនប្រជាពលរដ្ឋ ៕
ចែករំលែកព័តមាននេះ