រាជធានីភ្នំពេញ ៖ បុរសម្នាក់ បើករថយន្តតាក់ស៊ី ក្នុងល្បឿនលឿន រេចង្កូតបុករះតូបលក់សម្ភារៈសិក្សាអស់ជាង១០តូប នៅមុខសាលាបឋមសិក្សាស្ទឹងមានជ័យ បណ្តាលអោយអាជីវករប្រុសស្រី ០៤នាក់ រងរបួសធ្ងន់ស្រាល…
រាជធានីភ្នំពេញ ៖ បុរសម្នាក់ បើករថយន្តតាក់ស៊ី ក្នុងល្បឿនលឿន រេចង្កូតបុករះតូបលក់សម្ភារៈសិក្សាអស់ជាង១០តូប នៅមុខសាលាបឋមសិក្សាស្ទឹងមានជ័យ បណ្តាលអោយអាជីវករប្រុសស្រី ០៤នាក់ រងរបួសធ្ងន់ស្រាល ។
ហេតុការណ៍នេះកើតឡើង នៅវេលាម៉ោង១០ព្រឹកថ្ងៃទី២៥ ខែតុលា ឆ្នាំ២០២៥ ស្ថិតនៅចំណុចមុខសាលាបឋមសិក្សាស្ទឹងមានជ័យ ផ្លូវ២១៧ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ។
តាមការបញ្ជាក់ពីប្រជាពលរដ្ឋ បានអោយដឹងថា មុនកើតហេតុ គេឃើញបុរសម្នាក់បើកបររថយន្ត ម៉ាកសាំយ៉ុង ពាក់ស្លាកលេខ ព្រះសីហនុ 2B-9658 បើកតាមបណ្តោយផ្លូវលេខ២១៧ ក្នុងល្បឿនលឿន ខណៈមកដល់ចំណុចកើតហេតុ ក៏ស្រាប់តែជ្រុលទៅបុករះតូបលក់សម្ភារសិក្សា នៅមុខសាលាបឋមសិក្សាស្ទឹងមាន បណ្តាលអោយខូចខាតសម្ភារជាច្រើន រួមទាំងបង្កអោយអាជីវករ ៤នាក់ រងរបួសធ្ងន់ស្រាល ត្រូវបញ្ជូនទៅមន្ទីរពេទ្យសង្គ្រោះភ្លាមៗ ។ ចំណែកម្ចាស់រថយន្តបង្ក ត្រូវបាននគរបាលឃាត់ខ្លួនយកទៅសួរនាំ ។
ក្រោយកើតហេតុ សមត្ថកិច្ចមូលដ្ឋាន បានសហការជាមួយនគរបាលជំនាញចុះវាស់វែងអូសយករថយន្ត ទៅកាន់អធិការដ្ឋាននគរបាលខណ្ឌមានជ័យ ៕
ចែករំលែកព័តមាននេះ